Kandydat u prezidenty Ukrainy Aleh Caroŭ zajaviŭ, što hatovy stać lidaram tak zvanaha «Paŭdniova-ŭschodniaha ruchu». Ab hetym jon skazaŭ siońnia na pres-kanfierencyi ŭ Daniecku.
«Mianie siońnia na mitynhu (kala budynku Danieckaha abłsavieta, zachoplenaha sieparatystami) i na saviecie paprasili pasprabavać arhanizavać paŭdniova-ŭschodni ruch i vystupić lidaram. Ja skazaŭ, što pasprabuju. Treba dapamahčy ludziam», — zajaviŭ Caroŭ.
Ja paabiacaŭ, što kali ruch u niejki momant vyrašyć, što ja nie pavinien bałatavacca ŭ prezidenty, ja nie budu», — dadaŭ jon.
Pavodle jaho słoŭ, metaj ruchu źjaŭlajecca «fiederalizacyja, bo heta adziny sposab źbierahčy krainu ad raspadu».
Na pytańnie, ci padtrymlivaje jon «Danieckuju respubliku», Caroŭ zajaviŭ: «Ciažka nie pryznavać ludziej, jakija vyjšli sa svaimi patrabavańniami. Ich treba padtrymlivać».
Taksama Caroŭ zapeŭniŭ sieparatystaŭ u Daniecku, što zrobić usio dla zryvu prezidenckich vybaraŭ, jakija pryznačanyja na 25 maja.
Jon paabiacaŭ, što zaŭtra znoŭ pryjedzie ŭ Danieck i zojmiecca stvareńniem «centralizavanaha orhana» z centram u hetym horadzie.