Na ŭkrainskich darohach ciapier składvajecca spakojnaje stanovišča, zajaviŭ deputat Bierazanskaj rajonnaj rady Nikałajeŭskaj vobłaści Ukrainy Mikałaj Šaramiećjeŭ na pres-kanfierencyi ŭ Minsku 11 krasavika.
«Ciapier milicyja na miescy. Ja pryjechaŭ (u Biełaruś. — BiełaPAN), daišnikaŭ niama, ale jość pasty DAI», — skazaŭ jon.
Incydent z abstrełam biełaruskaha mikraaŭtobusa pad Roŭna, jaki adbyŭsia ŭ kancy lutaha, «adzinkavy vypadak», kaža deputat.
«Heta nie moža havaryć ab sistemie. Ci mała kamu ŭ hałavu pryjšło. Heta možna dzie zaŭhodna ŭbačyć», — skazaŭ Šaramiećjeŭ.
Jon adznačyŭ, što statystyčnyja źviestki ab kryminalnym stanoviščy va Ukrainie ciapier, jak praviła, nie paraŭnoŭvajuć ź letašnimi ličbami. «Jana (kryminalnaja statystyka. — BiełaPAN.) zaŭsiody była i jość. My pavinny razumieć, što kryminał jość u luboj krainie», — skazaŭ Šaramiećjeŭ.
U toj ža čas jon vykazaŭ mierkavańnie, što va Ukrainie nieabchodna stvaryć sistemu abviaščeńnia i kantrolu na darohach.
Jak paviedamiŭ na pres-kanfierencyi dyrektar biełaruskaj transpartna-turystyčnaj kampanii «Viraž M» Vital Mickievič, za apošnija piać miesiacaŭ kampanija ažyćciaviła kala 360 vyjezdaŭ na terytoryju Ukrainy i dahetul štodzionna ažyćciaŭlaje pa dźvie pajezdki ŭ kijeŭskija aeraporty. «Nivodnaha zdareńnia nie było, chacia spačatku žonki adpraŭlali vadzicielaŭ jak na vajnu, źbirajučy ŭ darohu ledź ci nie broniekamizelki», — skazaŭ jon.
Samaj sur`ioznaj prablemaj, ź jakoj sutyknulisia biełaruskija vadzicieli va Ukrainie, stali dvuchhadzinnyja probki, što ŭźnikali z-za vialikaj kolkaści turystaŭ u Miežyhor`i, dzie raźmieščana rezidenckaja adchilenaha ad ułady prezidenta Ukrainy Viktara Janukoviča.
U toj ža čas pradstaŭniki biełaruskich turfirm vykazali zakłapočanaść imidžam Ukrainy, ukazvajučy na toje, što biełaruskija hramadzianie admaŭlajucca ad puciovak va Ukrainu i inšyja krainy, kali aŭtobusny maršrut prachodzić pa ŭkrainskaj terytoryi. Padčas pres-kanfierencyi pradstaŭniki turfirm źviarnulisia da ŭkrainskaha pasolstva z prośbaj abvierhnuć infarmacyju ab niebiaśpiecy ŭkrainskich daroh na biełaruskim telebačańni.
