Śledčym kamitetam Biełarusi vyjaŭleny fakty kradziažoŭ hrašovych srodkaŭ udzielnikaŭ dolevaha budaŭnictva sa śpiecyjalnaha rachunku ZAT «Terabudinviest», paviedamiła aficyjny pradstaŭnik Śledčaha kamiteta Biełarusi Julija Hančarova.
«Śledčaja hrupa praciahvaje aktyŭnuju pracu pa zbory dokaznaj bazy ŭ miežach kryminalnaj spravy, źviazanaj z budaŭnictvam žyłoha doma pa vuł. Prytyckaha ŭ Minsku», — udakładniła jana.
«Daśledujučy abstaviny złoŭžyvańniaŭ słužbovymi paŭnamoctvami dyrektaram ZAT «Terabudinviest» pry budaŭnictvie nazvanaha abjekta, atrymanyja dokazy ździajśnieńnia inšych epizodaŭ złačynnaj dziejnaści kiraŭnictvam zakrytaha akcyjaniernaha tavarystva», — prainfarmavała Ju.Hančarova.
«Śledčym šlacham vyjaŭlenyja fakty kradziažoŭ sa śpiecyjalnaha rachunku ZAT «Terabudinviest», na jakim akumulavalisia hrošy ŭdzielnikaŭ dolevaha budaŭnictva. Suma składaje zvyš Br500 młn», — adznačyła jana.
«Padazravanymi pa spravie pryznanyja try asoby: dyrektar, namieśnik dyrektara ZAT «Terabudinviest», a taksama kiraŭnik adnaho ź niedziaržaŭnych subjektaŭ haspadarańnia. U chodzie praviedzienych śledčych dziejańniaŭ pa kryminalnaj spravie nakładzieny aryšt na majomaść padazravanych koštam bolš jak Br2 młrd, u tym liku abjekty nieruchomaści i aŭtamabili», — paviedamiła Hančarova.
Pavodle jaje słovaŭ, pravodziacca śledčyja dziejańni, nakiravanyja na ŭstanaŭleńnie inšych faktaŭ supraćpraŭnaj dziejnaści padazravanych. Praviarajecca pravamiernaść dziejańniaŭ słužbovych asob Minharvykankama i inšych kantralujučych orhanaŭ.
