Pradstaŭniki «Pravaha siektara» pieradali Dziaržaŭnaj aŭtamabilnaj inśpiekcyi Ukrainy mašynu z aŭtaparka syna eks-prezidenta Viktara Janukoviča. Pra heta paviedamlaje pres-słužba PS.
U paviedamleńni adznačajecca, što aŭtamabil byŭ uziaty «na adkaznaje zachoŭvańnie, i jaho» vykarystoŭvali ŭ ekstranych vypadkach».
«Pravy siektar « nikoli nie chavaŭ, što, majučy patrebu ŭ transpartnych srodkach, uziaŭ u karystańnie aŭtamabil z aŭtaparka Janukoviča. Ale havorka išła nie ab ekskluziŭnym braniavanym supierkary, jak pra heta pisali niekatoryja ŚMI, a pra mini-bus Chevrolet, jaki vykarystoŭvaŭsia ŭ śfiery absłuhoŭvańnia «Miežyhorja». Ciapier my viarnuli jaho dziaržavie», — havorycca ŭ paviedamleńni.
PS śćviardžaje, što ich pazicyja adnosna dalejšaha losu aŭtamabilaŭ z aŭtaparka Janukoviča zastajecca niaźmiennaj: «My patrabujem pradać ich na publičnym aŭkcyjonie, jaki budzie tranślavacca ŭ pramym efiry telekanałaŭ i prachodzić pad nahladam antykarupcyjnaj biuro Ukrainy».
Atrymanyja srodki «Pravy siektar « prapanuje nakiravać na zakupku ŭzbrajeńnia, nieabchodnaha dla Uzbrojenych sił Ukrainy.
Jak paviedamlaŭ «Obozrievatiel», raniej u «Pravam siektary» zajavili, što piersona takoha ŭzroŭniu, jak Źmicier Jaraš, pavinna jeździć na braniavanym aŭtamabili. Raniej žurnalisty vykazali padazreńnie, što adzin z aŭtamabilaŭ lidera «Pravaha siektara « Dźmitryja Jaraša — ciuninhavany GMC Savana — vielmi nahadvaje madel z aŭtaparka syna Viktara Janukoviča.
