Čatyroch žycharoŭ Minskaha rajona abvinavacili ŭ asabliva złosnym chulihanstvie z pahrozaj užyvańnia zbroi; kradziažy; nabyćci materyjalnych kaštoŭnaściej, śviadoma zdabytych złačynnym šlacham; źniščeńni aficyjnych dakumientaŭ.
«Pa dadzienych śledstva, abvinavačanyja ŭ stanie ałkaholnaha apjanieńnia ŭ maršrutnym aŭtobusie, jaki jechaŭ z v. Laskoŭka ŭ Minsk, pahražajučy mietaličnym kastetam, źbili rukami i nahami dvuch mužčyn. U adnaho z paciarpiełych skrali barsietku, u jakoj byli hrošy i asabistyja rečy. Z metaj schavać kradziež źniščyli aficyjnyja dakumienty na imia paciarpiełaha, a hrošy padzialili», — paviedamiła pradstaŭnik upraŭleńnia Śledčaha kamiteta pa Minskaj vobłaści Taćciana Biełanoh.
Padčas rasśledavańnia vyjaviłasia, što 17-hadovy fihurant spravy maje dačynieńnie i da zvarotu psichatropaŭ u Minskim rajonie. Na prypynku hramadskaha transpartu ŭ ahraharadku Lasny jon pradavaŭ asabliva niebiaśpiečnaje psichatropnaje rečyva QCBL-BZ-F. Jaho buduć sudzić i za heta.
Kryminalnaja sprava pieradadziena prakuroru dla nakiravańnia ŭ sud.
