Pierśpiektyvy mahčymaha spraščeńnia vizavych farmalnaściej abmiarkoŭvalisia 21 sakavika ŭ Vilniusie na čarhovych biełaruska-litoŭskich konsulskich kansultacyjach.
Asobnaja ŭvaha była ŭdzielenaja taksama abmierkavańniu pierśpiektyŭ stvareńnia miechanizmu readmisii ŭ farmacie «Biełaruś — ES».
Baki abmierkavali šyrokaje koła pytańniaŭ uzajemadziejańnia konsulskich słužbaŭ Biełarusi i Litvy, adznačyli vysoki ŭzrovień i efiektyŭnaść kantaktaŭ, abmianialisia mierkavańniami ab dalejšych napramkach supracoŭnictva.
Biełaruskiu delehacyju ŭznačaliŭ načalnik hałoŭnaha konsulskaha ŭpraŭleńnia MZS Ihar Fisienka, litoŭskuju — dyrektar konsulskaha departamienta MZS Andrus Pułokas. Akramia taho, u pierahavorach pryniali ŭdzieł supracoŭniki ministerstvaŭ unutranych spraŭ, źniešniepalityčnych viedamstvaŭ i dypłamatyčnych pradstaŭnictvaŭ dźviuch krain.
