«Ceny ŭpali na 15-20%. Jak situacyja budzie składvacca dalej, zaležyć ad taho, jakija kroki zrobić Jeŭrapiejskaja kamisija. My spadziajemsia, što Brusel zadziejničaje najaŭnyja ŭ jaho rasparadžeńni instrumienty. Havorka idzie ab subsidyjavańni vytvorčaści i ekspartu ŭ trecija krainy», — skazaŭ jon.
Polšča ŭ 2013 hodzie imkliva naroščvała ekspart śvininy, u pieršuju čarhu za košt krain Mytnaha sajuza. Kali ŭ 2012 hodzie polski ekspart śvininy skłaŭ 316 tysiač ton, to ŭ 2013 hodzie, pavodle papiarednich acenak, jon dasiahnuŭ 550 tysiač ton. Vytvorcy, jakija sutyknulisia z padzieńniem cenaŭ, pačali pošuk alternatyŭnych rynkaŭ. U pryvatnaści, płanujecca pašyryć svaju prysutnaść na rynku Kitaja, Japonii, Paŭdniovaj Karei.
Niahledziačy na toje, što vialikaja častka inviestycyjnych prajektaŭ była realizavanaja paśla ŭstupleńnia ŭ Jeŭrasajuz, častka pradprymalnikaŭ pačała ŭkładvać hrošy ŭ pašyreńnie vytvorčaści z prycełam na rynak Rasii i Biełarusi. «Hetyja prajekty buduć zamarožanyja da vyśviatleńnia situacyi», — skazaŭ Chainski.
