U Dnieprapiatroŭsku kala 2 tysiač pratestoŭcaŭ sprabujuć uziać šturmam budynak abłasnoj dziaržadministracyi. Im supraćstajać milicyjanty i «cituški».
Jak pieradaje karespandent ahienctva «Interfaks-Ukraina», ludzi, jakija sprabujuć padyści da budynka abłasnoj administracyi, miescami razabrali płot vakoł budynka, miescami — padpalili, i sprabujuć prarvacca na terytoryju abładministracyi.
U svaju čarhu, milicyja pačała palivać pikietoŭcaŭ vadoj z dvara abładministracyi.
Z boku pravaachoŭnikaŭ u aktyvistaŭ lacieli kavałki lodu. «Chtości kaža, što tušać padpaleny płot, chtości kaža pra razhon ludziej vadoj», — kažuć mitynhoŭcy.
Za čas pikietavańnia ludzi vyciahnuli z zasłonaŭ milicyi dvuch milicyjantaŭ, zabrali ŭ ich dubinki i šlem i adpuścili pravaachoŭnikaŭ da kaleh.
Na miescy padziej čujucca vybuchi i idzie dym.
Źjavilisia pieršyja paranienyja. Apieratar adnaho z centralnych kanałaŭ lodam paranieny ŭ šyju, jašče dvoje maładych ludziej atrymali traŭmy ruk, pry hetym źviartacca ŭ balnicu jany bajacca.