Siońnia pad viečar tudy pierakinuli niekalki socień śpiecnazaŭcaŭ. Pałac Ukrainski dom staić na Jeŭrapiejskaj płoščy. Heta ŭ tyle barykadaŭ na vulicy Hrušeŭskaha.
Siońnia ž ministr unutranych spravaŭ zajaviŭ, što MUS budzie razhladać usich, chto zastalisia na Majdanie, ekstremistami. Jon zaklikaŭ demanstrantaŭ pieramiaścicca ŭ luboje inšaje miesca ŭ stalicy i zajaviŭ pra namier milicyi vyzvalić Majdan Niezaležnaści i budynki, zaniatyja demanstrantami.
U adkaz demanstranty zabarykadavali budynak i raspačali jaho šturm. Źviniać šyby, z budynku na demanstrantach lijuć vadu i kidajuć śviatłošumavyja hranaty. U siaredzinu budynku palacieli kaktejli Mołatava.
Praz peŭny čas paśla pačatku šturmu kamiendant Majdanu dasiahnuŭ damoŭlenaści pra vychad siłavikoŭ z budynku. Dla hetaha demanstranty ŭtvaryli žyvy kalidor.