50-tysiačny artykuł na Vikipiedyi kłasičnym pravapisam 31

Jubilejnym staŭ artykuł «Chvastkovaja załoza», pryśviečany anatomii ptušak.

Na siońniašni dzień raździeł Vikipiedyi na biełaruskaj movie kłasičnym pravapisam zajmaje 65-je miesca z 286 u suśvietnym śpisie.

Ad pačatku zasnavańnia 12 žniŭnia 2004 hoda biełaruskaja Vikipiedyja pisałasia abodvuma pravapisami. Ale z 2007 hoda ŭsie artykuły kłasičnym pravapisam byli adździelenyja ŭ asobny prajekt ź inicyjatyvy entuzijastaŭ stvareńnia Vikipiedyi školnym pravapisam.

Z taho času isnuje biełaruskaja Vikipedyja i biełaruskaja Vikipiedyja. Apošniaja pišacca školnym pravapisam i maje na siońniašni dzień bolš za 62 tysiačy artykułaŭ, zajmajučy 58-je miesca.

A voś našyja susiedzi dobra nas apiaredzili:

rasijski raździeł maje bolš za miljon artykułaŭ i 8-je miesca, polski — 985 tysiač (9-je miesca), ukrainski — 457 tysiač (16-je miesca), litoŭski — 160 tysiač (34-je miesca), estonski — 114 tysiač (42-je miesca). Krychu adstajuć ad nas tolki łatyšy, jakija majuć 49 889 artykułaŭ. Jany na 67-m radku.

Zrešty, kali b biełaruskaja Vikipiedyja była abjadnanaja, to, mahčyma, užo pieraadoleła b 100-tysiačny rubiež, bo šmat jakija artykuły ŭ dvuch raździełach encykłapiedyi nie paŭtarajucca.

U toj ža čas niekatoryja ŭdzielniki pracujuć adrazu na dźvie biełaruskija Vikipiedyi. Darečy, jubilejny artykuł Vikipedyi byŭ pierarobleny z užo isnujučaha ŭ Vikipiedyi «Chvastcovaja załoza». I stvaryła jaho aktyŭnaja ŭdzielnica encykłapiedyi biełaruskim školnym pravapisam, a taksama rasijskaha raździełu pad nikam «Chomiełka».

Wikipedia.org — volnaja encykłapiedyja. Uziać udzieł u jaje stvareńni možna kožny achvotny, prytrymlivajučysia peŭnych praviłaŭ i aŭtarskaha prava. Možna pisać novyja artykuły, a možna papraŭlać, dapaŭniać ci redahavać najaŭnyja.

Rusłan Raviaka

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH