1 žniŭnia zaviaršyŭsia pryjom zajavak na konkurs dziciačaj litaratury «Ekślibrys» imia Janki Maŭra. Za prava być pryznanymi lepšymi aŭtarami tvoraŭ dla dziaciej, a taksama za pryzy ad kampanii Prestigio pazmahajucca 117 maładych piśmieńnikaŭ, pierakładčykaŭ, mastakoŭ.
Siarod udzielnikaŭ — žychary Biełarusi, Rasii, Ukrainy, Bałharyi va ŭzroście da 40 hadoŭ. Kankursanty prapanavali tvory ŭ samych roznych žanrach — kazki i pjesy ŭ vieršach, teksty piesień dla dziaciej, apaviadańni ŭ styli fantastyki, fentezi abo na asnovie falkłoru, komiksy, ilustravanyja apovieści i ramany i navat cełyja prajekty knih. Na konkurs dasłanyja tvory zamiežnych piśmieńnikaŭ, pierakładzienyja na biełaruskuju movu z anhlijskaj, italjanskaj, niamieckaj, ukrainskaj, polskaj, niamieckaj, finskaj, šviedskaj moŭ.
Aceńvać raboty budzie žury ŭ składzie Aleny Masła, Alesia Paškieviča, Ludmiły Rubleŭskaj, Piatra Vasiučenki, Sierža Minskieviča.
Vyniki konkursu buduć abvieščanyja ŭ pačatku vieraśnia.
0
0
0
0
0
0
