Kampanija pa zaličeńni ŭ biełaruskija VNU jašče ŭ samym razhary, ale niekatoryja ŭžo mohuć hanarycca, što pierajšli z razradu abituryjentaŭ u razrad studentaŭ, jakija buduć navučacca za košt biudžetu.
Kolkaść ža nieabchodnych dla pastupleńnia bałaŭ śviedčyć, što samymi zapatrabavanymi siarod abituryjentaŭ śpiecyjalnaściami stali «prahramavańnie» i «mižnarodnyja adnosiny».
Absalutny rekord hetaha hoda trymaje śpiecyjalnaść «Mižnarodnaje prava», jakoj navučajuć na fakultecie mižnarodnych adnosinaŭ BDU. Dla pastupleńnia tudy treba było nabrać rekordynia 388 (u minułym hodzie 374) bałaŭ.
Pry hetym na konkursnaj asnovie na «Mižnarodnaje prava» pastupiŭ tolki adzin čałaviek. Astatnija 14 prajšli biez ekzamienaŭ.
Nie adstaŭ ad BDU i BDUIR. Imidž prahramista jak adnoj z samych zapatrabavanych i paśpiachovych prafiesij u zrabiŭ svaju spravu: prachadny bał na śpiecyjalizacyju «Infarmatyka i technałohii prahramavańnia» skłaŭ 375 bałaŭ — na 19 bolej za minuły hod.
Pry hetym ličba ŭ 375 bałaŭ — paŭprachadny bał. Heta aznačaje, što adrazu niekalki abituryjentaŭ z takimi vysokimi vynikami padali dakumienty va ŭniviersitet.
Tolki na dva bały miešiej patrabavała śpiecyjalnaść «Mieniedžmient» užo ŭzhadanaha FMA BDU. Siem «haradskich» studentaŭ, jakija pretendavali na pastupleńnie na hetu śpiecyjalizacyju, musili nabrać 373 bały. A voś adziny abituryjent ź sielskaj navučalnaj ustanovy prajšoŭ na tuju ž śpiecyjalnaść z 297 bałami.
