U rašeńni za podpisam namieśnika ministra infarmacyi Uładzimira Matusieviča adznačajecca, što redakcyja nibyta nie ŭkazała infarmacyju ab pierapryznačeńni hałoŭnym redaktaram Valera Bułhakava. U svaju čarhu aŭtary časopisu nazyvajuć rašeńnie represiŭnym, nakiravanym na źniščeńnie vydańnia.
«Ministerstva infarmacyi robić usio mahčymaje, kab časopis kančatkova spyniŭ vychad. Čynoŭniki prykładajuć usie namahańni, kožny raz admaŭlajučy redakcyi na ŭsio novych i novym padstavach. Ale my nie namieranyja spyniacca i padamo dakumienty nanoŭ”, - havorać u redakcyi «Arche. Pačatak».
Nahadajem, što prablemy ŭ časopisa pačalisia 14 vieraśnia 2012 hoda z zatrymańnia byłoha hałoŭnaha redaktara «Arche» Valera Bułhakava. Supracoŭniki milicyi i padatkovaj inśpiekcyi zatrymali jaho ŭ Hrodnie na prezientacyi knihi Ja. Šumskaha «Savietyzacyja Zachodniaj Biełarusi» i abvinavacili ŭ niezakonnaj pradprymalnickaj dziejnaści.
