U kancernie «Biełnaftachim» ličać biespadstaŭnymi pretenzii Ukrainy da biełaruskich NPZ, paviedamiŭ BiełaPAN pradstaŭnik kancerna.
Urad Ukrainy ŭ pačatku hoda razasłaŭ ukrainskim NPZ błanki skarhaŭ ab raspačynańni i praviadzieńni antysubsidyjarnaha rasśledavańnia ŭ dačynieńni da impartu biełaruskich naftapraduktaŭ.
U skarzie ŭkazvajecca, što biełaruskija NPZ atrymlivajuć roznaha rodu dziaržsubsidyi.Da liku takich aŭtary dakumienta, u pryvatnaści, adnieśli vyzvaleńnie NPZ ad abaviazkovaha prodažu častki valutnaj vyručki.
U «Biełnaftachimie» BiełaPAN paviedamili, što ad abaviazkovaha prodažu valutnaj vyručki NPZ sapraŭdy vyzvalalisia, ale heta było ŭ 2011 hodzie.
Zavody samastojna zarablajuć svaju vyručku», — rastłumačyŭ pradstaŭnik kancerna.«Ilhot, pra jakija idzie havorka, ciapier niama. Bolš za toje, navat kali b pradpryjemstvy byli vyzvalenyja ad abaviazkovaha prodažu valutnaj vyručki, u čym tut subsidyja?
Jon taksama nazvaŭ nie adpaviednymi rečaisnaści i inšyja pretenzii, jakija źmiaščajucca ŭ skarzie. U dakumiencie, u pryvatnaści, havorka idzie pra toje, što biełaruskim NPZ dziaržava častkova pakryvaje pracenty za karystańnie bankaŭskimi kredytami. «Takich ilhot taksama niama», — padkreślili ŭ «Biełnaftachimie».
Padrychtavanaja skarha, ličać u kancernie, śviedčyć pra žadańnie ŭkrainskich kampanij vycieśnić ź miascovaha rynku biełaruskich vytvorcaŭ.
«Jakaść biełaruskich naftapraduktaŭ nie moža vyklikać nijakich pretenzij.Dziakujučy madernizacyi biełaruskija NPZ ciapier vypuskajuć paliva, jakoje adpaviadaje standartam
Jon zajaviŭ, što abvinavačvać biełaruskija NPZ u cenavym dempinhu taksama niama padstaŭ, pakolki ekspart biełaruskich naftapraduktaŭ užo bolš za šeść hadoŭ ažyćciaŭlajecca vyklučna pa suśvietnych rynačnych cenach.
Akramia taho, pry eksparcie naftapraduktaŭ z mytnaj terytoryi Biełarusi pa praviłach Mytnaha sajuza spahaniajucca vyvaznyja pošliny, padkreśliŭ pradstaŭnik «Biełnaftachima».
«Tamu padrychtavanyja pretenzii źjaŭlajucca sprobaj administracyjnym čynam vycieśnić biełaruskija naftapradukty z ukrainskaha rynku, što adabjecca niehatyŭna na jakaści i ŭzroŭni cen matornaha paliva va Ukrainie», — skazaŭ pradstaŭnik kancerna.