У канцэрне «Белнафтахім» лічаць беспадстаўнымі прэтэнзіі Украіны да беларускіх НПЗ, паведаміў БелаПАН прадстаўнік канцэрна.
Урад Украіны ў пачатку года разаслаў украінскім НПЗ бланкі скаргаў аб распачынанні і правядзенні антысубсідыярнага расследавання ў дачыненні да імпарту беларускіх нафтапрадуктаў.
У скарзе ўказваецца, што беларускія НПЗ атрымліваюць рознага роду дзяржсубсідыі.Да ліку такіх аўтары дакумента, у прыватнасці, аднеслі вызваленне НПЗ ад абавязковага продажу часткі валютнай выручкі.
У «Белнафтахіме» БелаПАН паведамілі, што ад абавязковага продажу валютнай выручкі НПЗ сапраўды вызваляліся, але гэта было ў 2011 годзе.
Заводы самастойна зарабляюць сваю выручку», — растлумачыў прадстаўнік канцэрна.«Ільгот, пра якія ідзе гаворка, цяпер няма. Больш за тое, нават калі б прадпрыемствы былі вызваленыя ад абавязковага продажу валютнай выручкі, у чым тут субсідыя?
Ён таксама назваў не адпаведнымі рэчаіснасці і іншыя прэтэнзіі, якія змяшчаюцца ў скарзе. У дакуменце, у прыватнасці, гаворка ідзе пра тое, што беларускім НПЗ дзяржава часткова пакрывае працэнты за карыстанне банкаўскімі крэдытамі. «Такіх ільгот таксама няма», — падкрэслілі ў «Белнафтахіме».
Падрыхтаваная скарга, лічаць у канцэрне, сведчыць пра жаданне ўкраінскіх кампаній выцесніць з мясцовага рынку беларускіх вытворцаў.
«Якасць беларускіх нафтапрадуктаў не можа выклікаць ніякіх прэтэнзій.Дзякуючы мадэрнізацыі беларускія НПЗ цяпер выпускаюць паліва, якое адпавядае стандартам
Ён заявіў, што абвінавачваць беларускія НПЗ у цэнавым дэмпінгу таксама няма падстаў, паколькі экспарт беларускіх нафтапрадуктаў ужо больш за шэсць гадоў ажыццяўляецца выключна па сусветных рыначных цэнах.
Акрамя таго, пры экспарце нафтапрадуктаў з мытнай тэрыторыі Беларусі па правілах Мытнага саюза спаганяюцца вывазныя пошліны, падкрэсліў прадстаўнік «Белнафтахіма».
«Таму падрыхтаваныя прэтэнзіі з’яўляюцца спробай адміністрацыйным чынам выцесніць беларускія нафтапрадукты з украінскага рынку, што адаб’ецца негатыўна на якасці і ўзроўні цэн маторнага паліва ва Украіне», — сказаў прадстаўнік канцэрна.
