Taryfy na niekatoryja žyllova-kamunalnyja pasłuhi ŭ Biełarusi buduć rehulavać miascovyja orhany ŭłady. Ab hetym havorycca ŭ Prahramie raźvićcia žyllova-kamunalnaj haspadarki Biełarusi da 2015 hoda, zaćvierdžanaj pastanovaj Savieta Ministraŭ numar 97 ad 8 lutaha 2013 hoda.
Paŭnamoctvy pa rehulavańniu taryfaŭ na akazvajemyja nasielnictvu pasłuhi pa techničnamu absłuhoŭvańniu, kapitalnamu ramontu žyłych damoŭ, vodazabieśpiačeńniu, vodaadviadzieńniu (kanalizacyi), karystańniu liftam i žyłymi pamiaškańniami płanujecca pieradać abłvykankamam i Minskamu harvykankamu. Miascovyja orhany ŭłady buduć ažyćciaŭlać heta rehulavańnie pa ŭzhadnieńniu ź Ministerstvam ekanomiki Biełarusi.
U dakumiencie taksama paviedamlajecca, što ŭdaskanaleńnie taryfnaj palityki płanujecca ažyćciaŭlać u Biełarusi šlacham paetapnaha pavyšeńnia,z ulikam rostu dachodaŭ hramadzian, uzroŭniu pakryćcia nasielnictvam zatrat na akazańnie ŽKP z daviadzieńniem jaho pa asobnych vidach pasłuh (vodazabieśpiačeńnie, vyvaz i abiasškodžvańnie ćviordych kamunalnych adchodaŭ) da ŭzroŭniu sabiekoštu.
Źnižeńnie ŭzroŭniu pakryćcia vyklikana rostam cen i taryfaŭ na impartujemyja enierharesursy (pryrodny haz, elektraenierhija), haruča-zmazačnyja i inšyja materyjały, jaki značna apiaredžvaje pavyšeńnie taryfaŭ na žyllova-kamunalnyja pasłuhi dla nasielnictva.Uzrovień pakryćcia nasielnictvam zatrat na akazańnie žyllova-kamunalnych pasłuh arhanizacyjami ŽKH źniziŭsia z 24,2% u 2010 hodzie da 15,3% ŭ 2012 hodzie.
Dla kampiensacyi arhanizacyjam, jakija akazvajuć žyllova-kamunalnyja pasłuhi, rostu zatrat na ich akazańnie i niedapuščeńnia źnižeńnia ŭzroŭniu ich pakryćcia nasielnictvam Prahramaj praduhledžvajecca štokvartalnaja indeksacyja na praciahu finansavaha hoda cen i taryfaŭ na ŽKP dla nasielnictva.