U centry Minska mašyna raźniesła prypynak i źjechała ź miesca zdareńnia, DAI šukaje kiroŭcu — fota 1

Dziaržaŭtainśpiekcyja Minska vyśviatlaje asobu kiroŭcy mašyny, jakaja najechała na prypynačny punkt hramadskaha transpartu «Muzyčny teatr» i źjechała.

DTZ adbyłosia ŭnačy. Marka aŭtamabila pakul nie ŭstanoŭlena. Viadoma, što mašyna ruchałasia pa vulicy Kłary Cetkin ŭ napramku vulicy Maskoŭskaja.

«Prosim vidavočcaŭ abo asob, jakija vałodajuć jakoj-niebudź infarmacyjaj patelefanavać na numary: 239-47-92, 222-17-17 abo 102», — zaklikali ŭ darožnaj milicyi.

Akramia taho, u staličnaj Dziaržaŭtainśpiekcyi adznačyli, što ŭ suviazi z DTZ ź ciažkimi nastupstvami z udziełam piešachodaŭ, jakija pierachodzili prajeznuju častku pa-za ustanoŭlenymi miescami,

DAI zaklikaje ŭsich prajaŭlać hramadzianskuju inicyjatyvu i nieadkładna paviedamlać pa telefonie 102 pra hrubyja parušeńni z boku piešachodaŭ.

Asabliva heta datyčycca vypadkaŭ, kali ludzi ŭ stanie ałkaholnaha apjanieńnia vychodziać na prajeznuju častku, u tym liku na MKAD.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH