24 studzienia aktyvist «Maładoha frontu» Uładź Jaromienak pazvaniŭ siabram i paviedamiŭ, što jaho zatrymali i ŭžo asudzili na 12 sutak administracyjnaha aryštu nibyta za parušeńnie praviłaŭ prafiłaktyčnaha nahladu.
Pra heta paviedamiŭ aktyvist Raman Vasiljeŭ.
«U jakim mienavita sudzie asudzili Uładzia, jon nie paśpieŭ paviedamić. Sprabujem heta vyśvietlić», — skazaŭ Raman Vasiljeŭ.
Na pačatku minułaha hoda na Uładzia Jaromienka sud Pieršamajskaha rajona Minska nakłaŭ prafiłaktyčny nahlad ciaham hodu. Raniej aktyvista nieadnarazova zatrymlivali i karali administracyjnymi aryštami za ŭdzieł u akcyjach salidarnaści z palitviaźniami. U 2011 hodzie Uładź Jaromienak byŭ asudžany da źniavoleńnia za ŭdzieł u mitynhu pratestu suprać vynikaŭ prezidenckich vybaraŭ 19 śniežnia 2010 hoda. Z kałonii Jaromienak vyjšaŭ u kancy leta 2011 hoda paśla pamiłavańnia.
0
0
0
0
0
0
