Zajava ad Kurejčyka, Marynina i Fryhi, jakaja źjaviłasia ŭ internecie ŭčora.
Zajava ad Kurejčyka, Marynina i Fryhi, jakaja źjaviłasia ŭ internecie ŭčora.
Scenaryst Andrej Kurejčyk, režysior Dźmitry Marynin i kampazitar Dźmitry Fryha apublikavali ŭ sacyjalnych sietkach zajavu, u jakoj vinavaciać supracoŭnikaŭ PRAAN u vykarystańni cienievych schiemaŭ i machinacyjach padčas praviadzieńnia tendaraŭ na pastaŭku pasłuh dla zdymak filma ź biudžetam 500 000 dalaraŭ.
Zhodna z zajavaj, supracoŭnicy PRAAN niesumlennymi mietadami zabiaśpiečvali pieramohu ŭ tendarach kampanij pradziusara Siarhieja Ždanoviča. «NN» pahutaryła z Andrejem Kurejčykam, kab daviedacca pra akaličnaści spravy.
«NN»: Vy ŭzhadvajecie supracoŭnikaŭ N i N. Jakoj była ich rola padčas zdymak «Vyšej za nieba»?
Andrej Kurejčyk: Adna była kaardynatarkaj prajekta ad PRAAN, a druhaja adkazvała za finansavyja i arhanizacyjnyja spravy.
«NN»: Jakija pasłuhi akazvaŭ Siarhiej Ždanovič, jakoha vy padazrajecie ŭ pieramozie ŭ «dziŭnych» tendarach?
AK: Heta arhanizacyja zdymak, vydzialeńnie zdymačnaj techniki, techničnaha piersanała. Praź jaho kampaniju, nakolki ja razumieju, mielisia vypłočvacca zarobki i h.d. To bok usio, što tyčyłasia finansaŭ. My jak tvorčaja hrupa da finansaŭ nie mieli nijakaha dostupu i zajmalisia tolki zdymkami. Astatnimi pasłuhami zajmalisia inšyja jurydyčnyja asoby, jakich vybirała PRAAN. I vybirała, jak my ličym, niesumlennym sposabam.
«NN»: Ci viedajecie Vy, čamu vybirali mienavita Siarhieja Ždanoviča?
AK: Nie. Nakolki ja viedaju, šmat kampanijaŭ padavalisia na ŭdzieł i ŭ vytvorčaści filma, i ŭ
«NN»: Vy zajaŭlajecie, što možacie vystupić śviedkam pa fakcie machinacyjaŭ z tendarami. Ci jość u vas niejkija dakumientalnyja paćvierdžańni karupcyi?
AK: Tak. My [zajavu akramia Kurejčyka padpisali režysior Dźmitry Marynin i kampazitar Dźmitry Fryha — NN] nie budziem hałasłoŭna abvinavačvać ludziej biez mahčymaści niešta paćvierdzić.
My abjadnali infarmacyju, jakuju mieli. Častkova heta [mierkavanaja padtasoŭka — NN] adbyvałasia ŭ našaj prysutnaści, častkova infarmacyja pieradavałasia praz členaŭ zdymačnaj hrupy. My sabrali elektronnyja listy, pierapisku praz skajp, sabrali tyja śviedčańni, jakija my z zadavalnieńniem hatovyja pieradać śledstvu ci aŭdytaru, sudu… kamu zaŭhodna.
«NN»: Vy ŭzhadvajecie parušeńni pracoŭnaha zakanadaŭstva, pošuk fiktyŭnych kankurentaŭ dla tendaraŭ. Skažycie, a padčas zdymak vy paviedamlali pra hetyja fakty ci zapluščvali vočy? Čamu vy robicie hetyja fakty publičnymi tolki ciapier?
AK: Zrazumieła, my paviedamlali pra heta svajmu niepasrednamu kiraŭnictvu, jość pierapiska. Prosta my nie vyvodzili heta ŭ publičnuju płoskaść. Pra roznyja vypadki paviedamlali
Ciapier my nakiravali zajavu kiraŭniku ofisa AAN u Biełarusi Farydu Karakchanavu i paprasili pra pravierku, bo AAN — dypłamatyčnaja arhanizacyja, i tolki jana, kali pažadaje (a raptam i nie pažadaje!), moža pravodzić aŭdyt svaich padpadzialeńniaŭ.
My zahadzia nie nastojvajem na čyjojści vinavataści — moža, tut tak pryniata, moža, tut zaŭsiody tak pracujuć. Tamu i paprasili: davajcie daviedajemsia, što heta takoje? Ci narmalnaja hetaja praktyka ŭvohule? I ci ŭžyvajecca jana tolki da filma ci ahulna dla ŭsich prajektaŭ ofisa.
«NN»: Ci była ŭžo aficyjnaja reakcyja z boku AAN?
AK: U hetym usia sprava. My pačali raspaŭsiudžvać hetuju zajavu ŭ internecie mienavita praz adsutnaść reakcyi. Zajava była napisana dastatkova daŭno, i my spadziavalisia, što niechta patelefanuje, adhukniecca, skaža «davajcie raźbiaremsia». Ale reakcyi nie było, i tady my vyrašyli abmierkavać usio publična.
«NN»: Zajava była nakiravana tolki ŭ biełaruskaje pradstaŭnictva AAN?
AK: Tak. My spadziavalisia, što nam adkažuć. Adkazu niama. Tamu my rychtujem pierakład i budziem raźbiracca dalej. Chaj ich kiraŭnictva raźbirajecca.
Z adnaho boku, heta ich unutranaja sprava, jakaja tyčycca raźmierkavańnia srodkaŭ. Ź inšaha boku, heta tyčycca i prahramaŭ dapamohi, i lekaŭ, mahčyma, miedycynskaha abstalavańnia. U hetaj arhanizacyi «prakručvajuć» miljony dalaraŭ, i, my padazrajem, časam heta robicca vielmi dziŭnym čynam. U čyich intaresach heta robicca — treba vyśviatlać. Heta važna i dla nas, i dla AAN u płanie adpaviednaści ich praceduram. Tamu ja spadziajusia, što AAN dałučycca da hetaj spravy.
Pradziuser Siarhiej Ždanovič nie zusim zhodzien ź viersijaj padziej, ahučanaj Kurejčykam, Maryninym i Fryham u svajoj zajavie.
— Jany vylivajuć brud, im patrebna pijarycca, — kaža Siarhiej Ždanovič u intervju «NN». — My prainviestavali ŭsio sami, my zrabili sieryjał, — udakładniaje jon.
— Andrej — talenavity dramaturh, i heta jon pryvioŭ mianie ŭ pracu nad sieryjałam. Jon pryjšoŭ da mianie sa słovami «Siarhiej, ratuj. Niama hrošaj, a treba zdymać film». U AAN hrošaj taksama było niašmat — na 8 sieryj kala 200 000 dalaraŭ. Kali vy niešta viedajecie pra kiniematohraf, pavinny razumieć, što ŭ kino zusim inšyja ličby. Adna sieryja zvyčajna kaštuje bolš. My biarem udzieł u zdymkach sieryjała ź biudžetam sieryi 5 miljonaŭ.
PRAAN nas taksama prasiła: «Vy možacie nam dapamahčy? Vy možacie zrabić usio pa cenach, jakich nie znojdzieš?» Ja aktyŭna zajmajusia dabračynnaściu, źjaŭlajusia siabram mižnarodnaha dabračynnaha kłuba «Rotary». Kali ja daviedaŭsia pra metu prajekta — prafiłaktyka ŚNIDu, ja ŭziaŭsia za jaho jak za dabračynny, pracavaŭ za ideju. Ja nie zarabiŭ na hetym prajekcie hrošaj. Naadvarot, ja źjaŭlaŭsia adnym sa sponsaraŭ filma «Vyšej za nieba». U mianie za heta navat jość list padziaki.
U AAN nie tak i prosta machlavać z tendarami. AAN — surjoznaja arhanizacyja, i maje vielmi žorstkuju i efiektyŭnuju palityku biaśpieki. Ofis PRAAN u Minsku — heta tolki rehijanalnaje pradstaŭnictva. Usio uzhadniajecca z «kantry ofisam» [Country Office — NN] u
Ale Andrej «čarnić» usich zapar. Čamu jon heta robić — voś hałoŭnaje pytańnie, i ja nie viedaju adkazu. «Vyšej za nieba» — vydatnaja ideja, z udziełam talenavitaha dramaturha Kurejčyka. Tym bolš, kantrakt nie zabaraniaŭ Andreju rabić aŭtarskuju viersiju. Ale spačatku, jak prapisana, zrabili 8 sieryjaŭ — i potym zajmajsia svajoj viersijaj, viazi jaje na fiestyvali. Usio ž zamaŭlała sieryjał AAN, i jana vyznačała ŭmovy.
Kurejčyk kazaŭ, što nie zapłacili masoŭcy. Dyk pry mnie ž byŭ vypadak: jon, nie paviedamiŭšy kiraŭnictvu, pryvioŭ na placoŭku niejkich ludziej i zdymaŭ ich. Ale kali jon ź imi sam damaŭlaŭsia, to pavinien byŭ skłaści niejkija kantrakty ci jašče što i raźličycca z hetymi aktorami. I čamuści žonka Andreja, jakaja zdymałasia siarod aktoraŭ, što atrymlivajuć 20–30 dalaraŭ, za takuju samuju rolu atrymała 200.
U hetym filmie zdymalisia ludzi, jakija sapraŭdy chvoryja na ŚNID. I kali jany čytajuć usiu hetu historyju vakoł «Vyšej za nieba», im stanovicca brydka i prykra. U nas z Andrejem roznyja mety. My zrabili sieryjał pra ŚNID, aficyjna zarehistravali jaho ŭ Minkulcie, choć šmatlikija skarhi Andreja značna ŭskładnili spravu. Sieryjał vyjšaŭ cikavy, hledačy sami zmohuć heta acanić. A Andrej ad pačatku choča vyhladać pakutnikam. Jon kaža pra cenzuru, ale ja mahu zaŭpeŭnić, što sa scenaru, dzie kožnaja staronka padpisana jaho ŭłasnaj rukoj, nie vyrazali nivodnaha słova!
Patrebna ž razumieć, što kapitał AAN adnosna našaj dziaržavy — pryvatny kapitał. Heta nie hrošy biełaruskich płatnikaŭ padatkaŭ. AAN zamoviła sieryjał i płaciła za jaho. Z dakumientami tam usio ŭ paradku, i ź jurydyčnaha punktu hledžańnia praŭda, zrazumieła, znachodzicca na baku AAN. Taki žudasny čorny pijar adciahvaje ad hałoŭnaha: u Biełarusi źjaviłasia kino pra važnuju prablemu. Ciapier my aktyŭna supracoŭničajem z ZŠA, i damovilisia pra stvareńnie anhłamoŭnaj viersii filma, jaki pakažuć pa adnym z amierykanskich telekanałaŭ. Ja viernik, i ja ščyra žadaju miru Andreju i jaho siamji. Ja vielmi žadaju, kab jon skončyŭ palityzavać hety prajekt, bo jon tracić svaje vydatnyja zdolnaści nie na tvorčaść, a na zusim inšyja rečy, — adznačyŭ Siarhiej Ždanovič.
Pradstaŭnictva PRAAN u Biełarusi ad kamientaroŭ ustrymałasia.
