Katryn Denioŭ i Žerar Depardjo ŭ Bierlinie, 1 kastryčnika 2012.
Francuzskaja aktrysa Katryn Denioŭ vystupiła ŭ abaronu rašeńnia svajho kalehi pa cechu Žerara Depardjo emihravać u Bielhiju i admovicca ad francuzskaha hramadzianstva, kab nie płacić padatki na zvyšprybytki.
Adkryty list Denioŭ apublikavany ŭ tradycyjna levaj haziecie Liberation, zahałovak prosty «Mieśjo Tareton». Adrasat, akcior Filip Tareton, vyklikaŭ abureńnie dzivy francuzskaha kiniematohrafa vykazvańniami pra Depardjo jak pra skvapnaha čałavieka, jaki pakinuŭ Francyju z «katletaj babła».
«Jon — vialiki akcior, a vy tolki vykazvajecie svaju kryŭdu», — napisała, źviartajučysia da Taretona, Denioŭ, jakaja hrała razam z Depardjo ŭ šerahu kłasičnych francuzskich kinafilmaŭ.
Nahadajem, što Depardjo skrytykavaŭ urad sacyjalistaŭ ŭ Francyi za rašeńnie pavysić staŭku padatku na dachody zvyš miljona jeŭra da 75%.
«Čaho vy pryčapilisia?»
…. jakoje vy majecie prava, chto vam daŭ demakratyčny mandat, jaki daje padstavy dla vašych brudnych abvinavačvańniaŭ?» — pytajecca Denioŭ.«Čaho vy pryčapilisia da jaho [Depardjo] vonkavaha abličča? Čym vas nie zadavoliŭ jaho talent?
U abaronu Depardjo ŭ sieradu taksama vystupiła jašče adna zasłužanaja artystka francuzskaha kino Bryžyt Bardo.
Bardo, viadomaja svaimi vystupami ŭ abaronu pravoŭ žyvioł, zapluščyła vočy na svaje roznahałośsi z akcioram pa hetym pytańni i nazvała jaho achviaraj «niespraviadlivaha ačarnieńnia».
«Choć jon i amatar karydy, heta nie zaminaje jamu być vydatnym artystam, jaki ŭvasablaje Francyju svajoj unikalnaj słavaj i papularnaściu», — zaŭvažyła Bardo.