Padčas kompleksnaj adpracoŭki handlovych abjektaŭ, što ažyćciaŭlajuć realizacyju miasnoj pradukcyi, apieratyŭnikami padraździaleńniaŭ pa baraćbie z ekanamičnymi złačynstvami HUUS Minharvykankama sumiesna z epidemijołahami i supracoŭnikami padatkovaj inśpiekcyi vyjaŭleny fakty prodažu haradžanam tavaraŭ biez adpaviednaj dakumientacyi i z sa skončanym terminam prydatnaści.
Jak paviedamili ŭ HUUS, pieršaje (i samaje bujnoje) parušeńnie było vyjaŭlena na Kamaroŭskim rynku. Tam pry praviercy piaci handlovych punktaŭ, što naležać adnoj i toj ža pryvatnaj arhanizacyi, vyjaviŭsia fakt realizacyi zvyš 2 t kaŭbasnaj i miasnoj pradukcyi biez paćviardžalnaj dakumientacyi i kankretnych roźničnych cen.Pry hetym prykładna 100 kh sa zhadanaj masy (20 asartymientnych najmieńniaŭ) nieabchodna było daŭno śpisać — termin prydatnaści tavaru zakončyŭsia miesiac tamu. U vyniku ŭsiu partyju prybliznym koštam 180 miljonaŭ rubloŭ apieratyŭniki kanfiskavali, a ŭ dačynieńni da ŭładalnika byli składzieny pratakoły pa šerahu artykułaŭ Kodeksa ab administracyjnych pravaparušeńniach, u tym liku za parušeńnie sanitarnych norm i praviłaŭ handlu.
Anałahičnaje parušeńnie vyjaŭlena ŭ Kastryčnickim rajonie stalicy.I chacia tut abjomy kanfiskavanaha akazalisia bolš ścipłymi, za praterminavany tavar realizataru daviadziecca zapłacić štraf (KoAP praduhledžvaje štraf da 5 miljonaŭ rubloŭ).
Zaviaršyła łancužok handlaroŭ niebiaśpiečnymi praduktami (jak rastłumačyli va ŭpraŭleńni pa baraćbie z ekanamičnymi złačynstvami HUUS, miasnyja vyraby byli sumnieŭnaj jakaści i mahli nanieści škodu zdaroŭju spažyŭcoŭ) pryvatnaje pradpryjemstva, jakoje ažyćciaŭlaje dziejnaść u Maskoŭskim rajonie Minska. U jaho paviljonie było vyjaŭlena zvyš 300 kh miasnych vyrabaŭ biez dakumientaŭ, što paćviardžajuć jakaść, i z daŭno skončanym terminam prydatnaści. U dačynieńni da handlaroŭ supracoŭnikami Centra hihijeny i epidemijałohii i rajonnaj padatkovaj inśpiekcyi składzieny administracyjnyja pratakoły za parušeńnie praviłaŭ handlu, praviłaŭ pryjomu hrašovych srodkaŭ pry realizacyi tavaraŭ i sanitarnych norm. Parušalnikaŭ čakajuć vialikija štrafy. Usia praterminavanaja pradukcyja kanfiskavana.
