U Miadzininkai, litoŭski bok Kamiennaha Łohu, za karupcyju zatrymanyja 29 mytnikaŭ 13

U Litvie pa padazreńni ŭ atrymańni chabaru zatrymany 29 mytnikaŭ kantrolna-prapusknoha punkta «Miadzininkaj» (Miedniki), raźmieščanaha na miažy ź Biełaruśsiu.

Jak paviedamlaje delfi.lt, niekalki čałaviek byli zatrymanyja 4 śniežnia, jašče 21 mytnik — ranicaj 5 śniežnia. «

Adnych zatrymali na pastu, druhich — kali jany pryjechali na pracu, trecich — doma. Chočuć spynić šlach karupcyi. Mytny departamient vałodaŭ infarmacyjaj ab tym, što niekatoryja mytniki brali z vadzicielaŭ vialikahruznych mašyn niezakonny chabar u pamiery 20–40 litaŭ.

Kali mytnik fiksavaŭ parušeńnie, jakoje nibyta mieła miesca, abo realnaje parušeńnie, to płata była jašče vyšejšaj», — cytuje ru.delfi.lt kiraŭnika Mytnaha departamienta Litvy Antanasa Šypavičusa.

Jon padkreśliŭ, što jaho viedamstva i ŭ nastupnym «nie budzie mirycca z prajaŭleńniem karupcyi».

Rasśledavańnie viałosia čatyry miesiacy. Pieršasnaja infarmacyja była atrymana ad kiroŭcaŭ, pastupali taksama ananimnyja telefanavańni. Rasśledavańnie ŭsio jašče praciahvajecca.

Z pryčyny aryštu takoj kolkaści mytnych rabotnikaŭ zapavoliłasia absłuhoŭvańnie ŭsich, chto prajazdžaŭ cieraz mytny punkt «Miadzininkaj — Kamienny Łoh» (Hrodzienskaja vobłaść).

Prasoŭvańnie fur źmienšyłasia ŭ čatyry razy, na miažy ź Biełaruśsiu stajać u čakańni pierajezdu 600 fur, paviedamiŭ ŚMI kiraŭnik Asacyjacyi mižnarodnych pieravozčykaŭ Litvy Alhimantas Kandrusiavičus.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH