Pamierła Biesi Kupier, najstarejšaja žycharka Ziamli 4

Amierykanka Biesi Kupier pamierła siońnia ŭ domie dla sastarełych u Manro (Džordžyja),

dzie žyła apošnija 10 hadoŭ. Pryčynaj, jak paviedamlajecca, była straŭnikavaja infiekcyja.

Kupier nazvali samaj staroj žycharkaj Ziamli ŭ studzieni 2011 hoda, kali ŭ vieku 114 hadoŭ pamierła amierykanka Junis Senbarn.

Ale nieŭzabavie była vieryfikavanaja brazilskaja doŭhažycharka Maryja Homies Valencim, jakaja naradziłasia 9 lipienia 1896 — na dva miesiacy raniej za Kupier. Maryja Homies skanała 21 červienia 2011, i tytuł znoŭ pierajšoŭ da Kupier. Jana naradziłasia 26 žniŭnia 1896 h. u štacie Teniesi (Salivan-Kaŭnci). Dziavočaje proźvišča — Bpayn (pa-anhielsku Besse Berry Brown). Jana była trecim dziciem z vaśmi ŭ jaje baćkoŭ. Besi skončyła škołu East Tennessee Normal School i była nastaŭnicaj u rodnym štacie Teniesi da pierajezdu ŭ štat Džordžyja. Vykładała ŭ škole Between School. U 1924 hodzie va ŭzroście 28 hadoŭ vyjšła zamuž za Lutera Kupiera, u 1929 hodzie naradziła pieršaha syna, a ŭ 1963 hodzie zaŭdavieła.

U dzień jaje 115-hodździa ŭ Besi było čaćviora dziaciej, 12 unukaŭ, 15 praŭnukaŭ i 1 prapraŭnuk, paviedamlaje Vikipiedyja.

Ciapier samaj staroj žycharkaj płaniety ličycca Dzina Manfredyni, 115-hadovaja amerykanka italjanskaha pachodžańnia, jakaja žyvie ŭ štacie Ajova.

Samy stary mužčyna na płaniecie — japoniec Dziraeman Kimura — jon maładziejšy za Manfredyni na dva tydni.

Biełaruskaja doŭhažycharka Hanna Rahiel pražyła, kali vieryć dakumientam, na piać hadoŭ daŭžej za Biesi Kupier.

Jana naradziłasia ŭ 1889 hodzie ŭ vioscy Biełyja (ciapier Maładziečanski rajon). Tam i žyła. Jaje mužyk pry Polščy byŭ kavalom. Kali balšaviki zabrali kuźniu — pracavała, jak i ŭsie, u kałhasie až da piensii, na jakuju pajšła ŭ 1965 h., u vieku 76 hadoŭ. Vyhadavała čatyroch dziaciej, dažyvała pry dačce ŭ Maładziečnie. Pamierła Hanna Rahiel u 2010 hodzie.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH