Ilustracyjnaje fota
U hetym hodzie zapłanavana realizavać kala 100 vialikich i 100 maleńkich jełak, paviedamili ŭ Centralnym bataničnym sadzie Nacyjanalnaj akademii navuk.
U kramie Bataničnaha sada možna budzie nabyć jak maleńkaje navahodniaje dreva daŭžynioju da adnaho mietra, tak i vialikaje — 1,5 m. «U 2011 hodzie asartymient byŭ trochi šyrejšy: realizoŭvalisia taksama pichty i chvoi. U hetym ža siezonie vyrašana vystavić na prodaž tolki jeli. Jak pakazała praktyka, hetyja drevy karystajucca vialikim popytam», — skazali ŭ CBS.
Cana na takoje navahodniaje dreva pryjemna ździvić pakupnikoŭ. Košt maleńkaj jełki składzie 152 tys. rubloŭ, vialikaje dreva budzie kaštavać — 302 tys.
Prodaž žyvych jełak u kadkach aktyvizujecca da siaredziny śniežnia. «U pačatku miesiaca navahodnija drevy nabyvajuć u asnoŭnym arhanizacyi dla padarunkaŭ svaim supracoŭnikam i klijentam. Nasielnictva pačnie skuplać jełki bližej da Novaha hoda», — rastłumačyli ŭ Bataničnym sadzie.
0
0
0
0
0
0
