«Ja nie dumaju, što jašče doŭhi čas budzie isnavać hety cieniavy biznes — sa źjaŭleńniem novych, lehalnych STA, ź ich raźvićciom biełaruski spažyviec addaść pieravahu ŭsio ž mienavita lehalnamu siektaru, bo heta harantyja jakaści i biaśpieki. Navat u vypadku ŭźniknieńnia sprečnaj situacyi aŭtaŭładalnik zaŭsiody zmoža vystavić pretenzii, u haražnym biznesie jon časam ryzykuje zastacca zusim biez aŭtamabila», — patłumačyła namieśnik ministra.
Tema nielehalnych STA ŭ respublicy davoli aktualnaja.Pa vynikach pravierak kala 50% stancyj techabsłuhoŭvańnia ŭ Biełarusi znachodziacca «ŭ cieni». Ale navat niahledziačy na adsutnaść
Namieśnik ministra zhodnaja, što lehalnamu siektaru siońnia składana i kaštuje vialikich namahańniaŭ pryciahnuć klijenta. Heta taksama źviazana z adtokam kvalifikavanych kadraŭ u nielehalny biznes.
Pry hetym Iryna Narkievič upeŭnienaja, što budučynia ŭsio ž za lehalnym siektaram. Heta datyčyć jak prodažu aŭtazapčastak, tak i pasłuh STA. Na jaje dumku, u pierśpiektyvie buduć bolš aktyŭna raźvivacca STA, źjavicca dobrasumlennaja kankurencyja, pačnie źnižacca cana pasłuh, budzie baraćba za klijenta.
Havoračy pra toje, na što pavinnyja źviarnuć uvahu ŭładalniki STA, kab pryciahnuć spažyŭca, namieśnik ministra adznačyła pierš za ŭsio raźvićcio servisu. «Jany pavinnyja stvaryć maksimalna kamfortnyja ŭmovy dla svajho klijenta. Da prykładu, možna pastavić u siabie masažnaje kresła abo abstalavać kutok, dzie klijent zmoža adpačyć, kali ramont aŭtamabila zojmie 15–20 chvilin, — skazała Iryna Narkievič. — Heta servis, heta pasłuha. I kab heta stała servisam u dobrym razumieńni, zrabić treba jašče šmat čaho, bo havorka idzie nie tolki pra jakaść pasłuh — heta i madernizacyja vytvorčaści, sučasnaje abstalavańnie, a taksama prafiesijnyja kadry, jakija mahli b ź im pracavać».
Siońnia, pavodle słovaŭ Iryny Narkievič, u Biełarusi šmat robicca dla pazicyjanavańnia lehalnych STA. U ciapierašni čas pasłuhi stancyj techabsłuhoŭvańnia zajmajuć druhoje miesca siarod bytavych pasłuh paśla pasłuh pa ramoncie žylla. Razam z tym u respublicy jość peŭny dysbałans pamiž kolkaściu aŭtamabilaŭ i STA. «Pavodle dadzienych MUS, na pačatak hetaha hoda ŭ krainie ŭ asabistym karystańni hramadzian naličvałasia kala 3 młn aŭtamabilaŭ. Na adnu tysiaču žycharoŭ u nas prypadaje 279 mašyn, što bolš, čym va Ukrainie, Kazachstanie. Heta surjoznaja ličba», — adznačyła namieśnik ministra, dadaŭšy, što arhanizacyj, jakija akazvajuć pasłuhi pa techničnym absłuhoŭvańni aŭtamabilaŭ, u Biełarusi ciapier 3,5 tys.
Aktyŭna razhladajucca roznyja miery, jakija mahli b palepšyć stanovišča lehalnaha aŭtaservisu ŭ respublicy. U pryvatnaści, abmiarkoŭvajecca pytańnie ab pradstaŭleńni dadatkovych prefierencyj dla subjektaŭ haspadarańnia, jakija akazvajuć pasłuhi STA, z dapamohaj uviadzieńnia panižalnaha kaeficyjenta da bazavych stavak arendnaj płaty. «Heta robicca dla taho, kab miascovyja orhany ŭłady mahli vykarystoŭvać jaho dla raźvićcia biznesu STA. Hety biznes zapatrabavany, ale jaho nie chapaje, — adznačyła namieśnik ministra. — Pry siońniašniaj kolkaści aŭtamabilaŭ servisnych centraŭ pakul niedastatkova, tamu nieabchodna stvaryć usie ŭmovy, kab jany mahli raźvivacca».
Niemałavažnym jość taksama ŭzhadnieńnie Kodeksa prafiesijnaj etyki rabotnikaŭ arhanizacyj aŭtaservisu Biełarusi, jaki nakiravany na zabiaśpiečańnie pravoŭ spažyŭcoŭ i rabotnikaŭ arhanizacyj aŭtaservisu. Dakumient vyznačaje adkaznaść rabotnikaŭ hetych arhanizacyj za svaju dziejnaść.
