Старшыні Саюза беларусаў Польшчы Яўгену Вапу, які таксама з’яўляецца дырэктарам «Радыё Рацыя», адмоўлена ў атрыманні доўгатэрміновай беларускай візы.Пра гэта паведаміла старшыня рады грамадскага аб’яднання «Згуртаванне беларусаў свету «Бацькаўшчына» Ніна Шыдлоўская.
Паводле яе слоў, дакументы на атрыманне візы рабіліся на падставе запрашэння ад «Бацькаўшчыны».
«Першы раз Вапу не ўпусцілі ў Беларусь 23 мая 2011 года. Тады, як і цяпер, «Бацькаўшчына» рабіла запрашэнне Вапу, бо ён з’яўляецца сябрам Вялікай рады арганізацыі.Акрамя таго, ён яшчэ і сябра Кансультацыйнай рады па справах беларусаў замежжа пры Міністэрстве культуры. Нягледзячы на ўсе гэтыя пасады і рэгаліі,
Вапу было адмоўлена ва ўездзе ў Беларусь, а яго віза ануляваная «, — сказала Шыдлоўская.
Яна паведаміла, што «Бацькаўшчына» спрабавала высветліць прычыны анулявання візы. «Мы атрымалі адказ з Міністэрства замежных спраў, дзе былі спасылкі на артыкулы закона аб тым, што адмова ў выдачы візы і ануляванне візы не тлумачацца», — паведаміла Шыдлоўская.
0
0
0
0
0
0
