Мітрапаліт Філарэт сустракаецца з Вальфрамам Маасам.
5 лістапада Патрыяршы Экзарх усяе Беларусі Мітрапаліт Мінскі і Слуцкі Філарэт сустрэўся з Надзвычайным і Паўнамоцным Паслом ФРГ у Рэспубліцы Беларусь Вальфрамам Маасам.
Сустрэча прайшла ў сценах Мінскага Епархіяльнага ўпраўлення.
У часе размовы нямецкі госць з павагай выказаўся пра знешнецаркоўную дзейнасць Уладыкі і добрым словам згадаў Яго дзейнасць на пасадзе Патрыяршага Экзарха Заходняй Еўропы ў 1978–1984 гадах. Бакі таксама абмяняліся думкамі аб становішчы Праваслаўя ў свеце, паведамляе афіцыйны сайт БПЦ.
Таксама ў Мінскім Епархіяльным упраўленні мітрапаліт Філарэт сустрэўся з намеснікам кіраўніка місіі Пасольства Вялікабрытаніі ў Мінску Джэймсам Казэнсам.
Падчас сустрэчы суразмоўцы абмеркавалі становішча Праваслаўя ў цэлым і рускага праваслаўя ў прыватнасці на Брытанскіх выспах, паведамляе сайт БПЦ.
0
0
0
0
0
0
