Следства па крымінальнай справе былога мэра Полацка Тачылы завершанае
Следства па крымінальнай справе былога мэра Полацка Уладзіміра Тачылы завершанае, матэрыялы 18 чэрвеня накіраваныя ў Генеральную пракуратуру для перадачы ў суд.
Пра гэта паведаміў старшыня Следчага камітэта Валерый Вакульчык.
Ён адзначыў, што сабраныя доказы, якія пацвярджаюць факт арганізацыі былымі кіраўнікамі Полацкага гарвыканкама Тачылам і Полацкага райвыканкама Палідаўцом, а таксама іх намеснікамі Куксавым і Ермаковіч у 2009 годзе незаконнага выдзялення для сябе і сваіх блізкіх зямельных участкаў у Полацку ў зоне ахоўванага ландшафту, на тэрыторыі, прылеглай да Спаса-Ефрасіннеўскага жаночага манастыра, для індывідуальнага будаўніцтва.
Абвінавачванні выстаўленыя чацвярым асобам па ч.2 арт.344 «Наўмыснае знішчэнне або пашкоджанне гісторыка-культурных каштоўнасцяў або матэрыяльных аб’ектаў, якім можа быць прысвоены статус гісторыка-культурных каштоўнасцяў» і ч.3 арт.424 «Злоўжыванне ўладай або службовымі паўнамоцтвамі». «У ходзе следства шкода ад незаконнай дзейнасці пералічаных службовых асоб пакрытая ў поўным аб’ёме», — сказаў Валерый Вакульчык.
Уладзімір Тачыла быў заключаны пад варту 21 мая гэтага года.
