Скрыншот відэа МНС
У Слоніме рабочы трапіў у бальніцу з траўмамі пасля загарання дарожна-разметачнай машыны. Падрабязнасці расказалі ў прэс-службе Міністэрства па надзвычайных сітуацыях.
У 09:09 3 мая ратавальнікам паступіла інфармацыя, што на вуліцы Савецкай загарэлася дарожна-разметачная машына, рабочы атрымаў траўмы. Супрацоўнікі МНС, якія прыехалі на месца, ліквідавалі ўзгаранне.
Пазней высветлілася, што для таго, каб пазбегнуць застойвання фарбы, рабочыя збіраліся пераліць яе з фарбавальнага пісталета ў бачок. Але ў нейкі момант здарылася ўспышка і на адным з рабочых загарэлася адзенне. Яго калега спрабаваў самастойна справіцца з узгараннем, але не змог і патэлефанаваў у МНС.
«Пацярпелы ў цяжкім стане шпіталізаваны ў рэанімацыйнае аддзяленне раённай бальніцы», — удакладнілі ў ведамстве.
Чытайце таксама:
У Гродне на паркоўцы адкрытым полымем гарэў легкавік
У кватэры ў мінскай Серабранцы загарэлася мультыварка
У Дрыбінскім раёне спальванне сухой травы скончылася страшна
