У Пецярбургу (Расія) мастак Пётр Паўленскі зашыў сабе рот каля Казанскага сабора ў падтрымку Pussy Riot.
Падчас акцыі мастак трымаў у руках транспарант з надпісам «выступленне Pussy Riot было пераігрываннем знакамітай акцыі Ісуса Хрыста».
Таксама на транспаранце згаданы глава 21 і вершы 12 і 13 з «Евангелля ад Мацвея», якія гучаць наступным чынам: «І ўвайшоў Ісус у храм Божы і выгнаў усіх тых, што прадавалі і куплялі ў храме, і сталы мяняйлаў перакуліў і ўслоны прадаўцоў галубоў, і сказаў ім: напісана: «Дом Мой домам малітвы назавецца»; а вы зрабілі з яго логава разбойнікаў».
«Я ў нейкім сэнсе стаяў нібы жывая скульптура, не рэагаваў ні на якія патрабаванні (праваахоўных ворганаў), яны не ведалі, што са мной рабіць, хадзілі вакол, потым яны выклікалі хуткую… каб я прайшоў абследванне ў псіхіятра», — цытуюць мастака «РІА «Новости».
Пасля агляду медыкі палічылі, што Пятро Паўленскі знаходзіцца ў стане свядомасці і адпусцілі яго дадому.
Паўленскі патлумачыў мэту сваёй акцыі жаданнем прадэманстраваць, што арышт Pussy Riot супярэчыць фундаментальным хрысціянскім каштоўнасцям. На яго думку, зашыты рот сімвалізуе стан сучаснага мастака ў Расіі, забарону галоснасці, узмацненне цэнзуры, паведамяляе Газета.Ru.
- 20 ліпеня суд вырашыў пакінуць дзяўчат з Pussy Riot пад арыштам прынамсі да 12 студзеня 2013 года. Удзельніцы гурту былі арыштаваныя ў сакавіку гэтага года па справе аб