Ці ёсць залежнасць паміж нацыянальнасцю і сэксуальнасцю
На думку Зоі Прышывалкі, сувязь паміж нацыяй і сэксуальным тэмпераментам існуе.
«Сэксуальнасць чалавека — гэта не толькі тое, што яму даецца пры нараджэнні, але і тое, што развіваецца ўсё жыццё ў тым асяроддзі, у якім мы знаходзімся. Таму культура, рэлігія, погляды, якія нас атачаюць, — гэта ўсё будзе на нас аказваць уплыў».
Сэксолаг Зоя Прышывалка. Скрын відэа AlesChakhouski / YouTube
Па словах Зоі, часта людзі блытаюць сэксуальнасць і сэксапільнасць. Яны думаюць, што сэксуальнасць — тое, як яны выглядаюць і паводзяць сябе. Але для спецыяліста сэксуальнасць — тое, што ёсць у чалавеку. «Для мяне гэта прага да жыцця, волі, самавыражэння», — кажа сэксолаг.
Беларусаў Зоя лічыць сэксуальнымі, бо ў іх ёсць такія рысы характару, як блізкасць, даверлівасць, эмпатыя.
Адкуль у грамадстве крызіс блізкасці
Сэксолаг заўважае, што крызіс блізкасці сёння заўважны не толькі ў беларускім грамадстве. Як яна тлумачыць, для таго, каб наладжваць блізкасць, чалавеку неабходны рэсурсы:
«Трэба рабіць нейкую эмацыйную працу, разумець, з кім я хачу мець стасункі, як гэта будзе адбывацца, якіх правілаў прытрымлівацца. І гэта ўсё рэсурсазатратныя тэмы».
Адпаведна пірамідзе патрэбаў Маслоу для людзей найбольш важна вырашыць пытанні, звязаныя з выжываннем, — што з'есці, дзе спаць. А стасункі — гэта патрэба з узроўню нашмат вышэйшага.
«Цяпер з-за таго, што адбываецца ў свеце, ёсць крызіс блізкасці, бо гэта цяжкая праца. Гэтым трэба займацца, умець, быць самому дастаткова ўстойлівым да негатыўнага досведу, які можа быць вельмі балючым. Таму людзі гэтай болі пазбягаюць», — тлумачыць жанчына.
Сэксолаг звяртае ўвагу, што цяпер яшчэ відавочны крызіс сямʼі, парнасці. «Падкрэсленая індывідуальнасць чалавека, калі ён толькі пра сябе думае, мае эгаістычную скіраванасць і часам не ў добрым свеце падсвечвае адносіны. Чалавеку цяжка адразу займацца сабою і сваім партнёрам. Таму людзі часта выбіраюць толькі сябе».
Чытайце яшчэ:
«Самай пажылой пацыентцы было 77: яе хвалявала, што знік аргазм». Інтэрв'ю з сэксолагам Мінздароўя
«У маім асяроддзі шмат людзей, у якіх элементарна няма сэксу месяцамі, а то і гадамі»
«Сэксолаг — гэта сяброўка, у якой не сорамна спытацца, што такое аргазм»
