Павел Лёгкі (злева) і Аляксандр Шпакоўскі. Калаж «Нашай Нівы»
Павел Лёгкі ў мінулым 10 год узначальваў лукашэнкаўскую прэс-службу, потым працаваў дарадцам-пасланнікам у пасольстве Беларусі ў Расіі і намеснікам міністра інфармацыі. У канцы 2020-га яго зноў адправілі ў Расію на ранейшую пасаду дарадцы-пасланніка. На яго кадэнцыю прыпаў напад Расіі на Украіну і ўзмацненне кантролю Масквы над Мінскам.
Нядаўна на ягоную пазіцыю ў Маскве Лукашэнка прызначыў прапагандыста Аляксандра Шпакоўскага.
А што сам Лёгкі?
51-гадоваму дыпламату далі пасаду намесніка дырэктара Беларускага інстытута стратэгічных даследаванняў — аналітычнай структуры, якая фінансуецца з бюджэту.
Работы дзяржаўных аналітыкаў можна пачытаць на сайце БІСД.
Узначальвае БІСД палкоўнік Алег Макараў.
Сам Лёгкі — кадравы вайсковец, пачынаў кар'еру са службы ў арміі.
На сайце БІСД інфармацыя аб прызначэнні Лёгкага пакуль адсутнічае, але ён ужо фігуруе на мерапрыемствах БІСД.
Фота з тэлеграм-канала БІСД
Магчыма, Лёгкі будзе курыраваць інфармацыйнае ўпраўленне, якое займаецца даследаваннем інфармацыйнай прасторы, трэндамі і метрыкамі.
Фармальна для Лёгкага ў параўнанні з яго ранейшымі пасадамі гэта паніжэнне, але па сутнасці — няпыльная праца, на якой можна расслабіцца.
Чытайце таксама:
Наваспечаны беларускі пасланнік Шпакоўскі правёў першую сустрэчу
Дыпламаты ЕС не паехалі ў прапагандысцкую паездку да ўкраінскіх дзяцей у Наваполацк
На Магілёўшчыне дзяцей сталі вазіць па лукашэнкаўскіх мясцінах. Як у СССР па ленінскіх
