Таццяна Траццяк, Юрый Церах і Андрэй Кірыленка. Фота: іхнія сацяльныя сеткі
Пачалося з таго, што прапагандыст «СБ. Беларусь сегодня» Юрый Церах, (ён жа блогер «Людажор») пакрыўдзіўся, што ягоныя кнігі цяжка знайсці ў кнігарнях (канешне ж, не таму, што іх мала купляюць). І прапанаваў «спальваць працаўнікоў кніжных крамаў».
Скрыншот з тэлеграм-канала Юрыя Цераха
Пасля гэтага сакратарка гродзенскай «Белай Русі» Святлана Вараніца абурылася, што каментар Цераха «агідны», тым больш — для кнігі пра лагер нацыстаў, у якім катавалі ваеннапалонных.
Каментар Святланы Вараніцы. Скрыншот з тэлеграм-чата Юрыя Цераха
Пасля гэтага ёй даволі жорстка адказалі. А сам Церах палохае, што «прыйдзе правяраць краму праз тыдзень» і «пакуль можа душыць змагарскіх вырадкаў — будзе гэта рабіць».
Скрыншот з тэлеграм-канала Цераха
Далей да дыскусіі далучылася Таццяна Траццяк — твар ютуба ГУБАЗіК. І на даволі мяккі каментар атрымала жорсткі паток абразаў ад айцішніка Андрэя Кірыленкі. Ён назваў яе часткай «куратніка» і паслаў. Таццяна замест адказу проста перастала адказваць.
Кірыленка пастаянна абражае ўсіх удзельнікаў дыскусіяў, сярод якіх бывала і Вараніца, і некаторыя іншыя дзеячы праўладных ініцыятываў.
Сам 41-гадовы Кірыленка — вядомы ў мінулым персанаж. Ён прачнуўся знакамітым пасля таго, як напісаў у сваім «жывым журнале», што жадае, каб на свяце «БНР-100» адбыўся тэракт і «кішкі змагароў разляцеліся на кіламетры» — тады ён пісаў ва ўсіх сацсетках пад нікнэймам Iced (часам таксама выкарыстоўваючы нікнэйм Theiced).
Андрэй Кірыленка
Пасля гэтага Кірыленка вымушаны быў звярнуцца па дапамогу юрыстаў і выбачыцца перад «змагарамі». Але з кампаніі Juno, дзе ён тады працаваў, яго не звольнілі.
Архіўны скрыншот з «жывога журнала» Кірыленкі
Былы ягоны калега распавядаў, што Кірыленка ўвогуле вельмі праблемны персанаж:
«Нам усім было некамфортна працаваць з Андрэем Кірыленкам: ён нярэдка дазваляў сабе мат у адрас калегаў, быў нястрыманы. Я і яшчэ адзін супрацоўнік у нейкі момант літаральна ўзмаліліся аб тым, каб на Андрэя неяк паўплывалі, — і нас перавялі ў іншы аддзел. Астатнія моўчкі цярпелі і лаялі за вочы ў курыльні.
Гісторыя з выказваннем, якое дазволіў сабе Кірыленка ў адрас тых, хто сабраўся ля опернага тэатра, думаю, зачапіла за жывое не толькі мяне… Чалавек зганьбіў рэпутацыю кампаніі, а затым прадставіў ўсё так, нібы гэта «журналісты вінаватыя».
Увогуле, апытаныя намі знаёмыя Кірыленкі адгукаюцца пра яго так:
«Андрэй — эпатажны троль, якому трэба будзь-якая ўвага, нават калі негатыўная. Адзіны варыянт — не карміць троля».
«Гэта ж легендарны ватнік Айсед! Я пра яго і забыўся. Некалі Айсед быў вядомы ў ЖЖ і лінукс-тусоўцы, пасля некуды знік, і я пра яго нічога не чуў з таго выпадку ў 2018 годзе».
Пасля скандалу Кірыленка выдаліў амаль усе свае фота і пачысціў сацсеткі, зменшыўшы публічную актыўнасць.
Па звестках «Кіберпартызан», Кірыленка пасля сканчэння БДУІР працаваў у розных IT-кампаніях, а таксама «запісаны» дырэктарам шэрагу ТАА.
У публічным полі Кірыленка «ўваскрос» толькі ў 2020-м годзе. Асабліва актыўны ён у пабліках Юрыя Цераха — імаверна, менавіта ён напісаў чат-бота, які абражае карыстальнікаў.
Скрыншоты з бота, хутчэй за ўсё, створанага Кірыленкам — гэта бачна па выкарыстанні адпаведнай яго стылю лексікі
Праўда, невядома, ці панясе мужчына нейкую адказнасць, хоць для любога праціўніка рэжыма гэта б скончылася затрыманнем і, імаверна, крымінальнай справай. Вядомы толькі адзін выпадак, калі Кірыленку давялося адказваць за словы, і той зусім не звязаны з палітыкай: у 2017 годзе Кірыленка атрымаў за абразу штраф у адну базавую.
Чытайце таксама:
«Нас не запугать». Вось хто ствараў пралукашэнкаўскія стыкерпакі ў тэлеграме
Тлумачым, якім чынам сілавікі знаходзяць карыстальнікаў Telegram і як гэтага пазбегнуць
