Адзін рэзервуар з 10 тысячамі тон дызельнага паліва гарыць на тэрыторыі АТ «Транснафта-Дружба», а другі, з дызпалівам, на тэрыторыі вайсковай часці 55443.
Паводле звестак МНС, паведамленне аб пажары ў Фокінскім раёне Бранска паступіла а 02.00. На месца выкліку накіравалі пажарна-ратавальныя разлікі па павышаным рангу пажару.
Бранская вобласць — суседняя з Украінай і Беларуссю. Раней украінскія верталёты знішчылі нафтабазу ў Белгарадзе.
Расійскае Мінабароны пры гэтым не раз заяўляла, што ўкраінскія ваенна-паветраныя сілы цалкам знішчаныя.
Тым часам Расія паслядоўна знішчае ўсе ўкраінскія аб'екты з запасамі паліва. Учора сем расійскіх ракет ударылі па нафтаперапрацоўчым заводзе і цеплаэлектрастанцыі ў цэнтральнаўкраінскім горадзе Крэменчуг.
