Лукашэнка сёння наведаў 4-ю клінічную бальніцу ў Мінску, дзе ляжаць хворыя з кавідам. У нейкі момант ён зайшоў у адну з палат і дапамог старэнькай жанчыне папіць вады з бутэлькі. Паколькі быў у масцы, жанчына яго не пазнала.
Лукашэнка дапамог Раісе Міхайлаўне прыўзняцца і прытрымліваў, каб яна змагла папіць вады.
— Цісну вашу руку. Выздаравееце — вось пабачыце. Потым мне патэлефануеце. Я абавязкова адкажу.
— Як жа я ваш нумар даведаюся? — пытаецца жанчына.
— Знойдзеце, — кажа Лукашэнка.
Толькі потым жанчыне падказалі, хто перад ёй. А Лукашэнка сцягнуў маску з твару.
0
0
0
0
0
0