У аператыўна-дзяжурную службу Партызанскага РУУС Мінска паступіла паведамленне ад жыхароў дома па завулку Вучнёўскім. Яны паведамілі, што на паркоўцы невядомы мужчына драпае аўтамабіль маркі «Mercedes-Benz C220», паведамляе ГУУС Мінгарвыканкама.
Міліцыянты, якія выбылі на месца здарэння, высветлілі, што пашкоджаны аўтамабіль маркі «Mercedes-Benz C220» належыць 48-гадовай жыхарцы сталіцы. Сваю машыну мінчанка перадала ў карыстанне сяброўцы на некаторы час.
Апытаўшы сяброўку, праваахоўнікі ўстанавілі меркаванага зламысніка. Ім аказаўся 53-гадовы муж сяброўкі.
Жанчына распавяла, што выходзіла з дому і нечакана для сябе сустрэла мужа. Яны пачалі абмяркоўваць акалічнасці будучага разводу, аднак гутарка зайшла ў тупік і пара пасварылася. Пасля размовы жанчына накіравалася да аўтамабіля сяброўкі.
Убачыўшы, што ў яго жонкi з'явіўся новы аўтамабіль, муж выказаў здагадку, што аўто ёй падарыў іншы мужчына. І стаў драпаць машыну ключамі. У выніку з-за бяздумнага ўчынку раўніваму мужу прыйдзецца выплаціць шкоду ў памеры 1800 рублёў.
