Фота Юліі Міцкевіч
Сённяшні мокры снег і суцэльную воблачнасць прынеслі ў Мінск вільготныя паветраныя масы з захаду, паведамляюць Мінск-навіны.
Але ўжо заўтра, па словах сіноптыкаў, усё зменіцца.
Раніцай падмарозіць, затое выгляне сонца, ападкаў не чакаецца, вецер будзе слабым, пераменных напрамкаў, днём паветра нават у цені прагрэецца да +3°С, атмасферны ціск крыху ніжэй за норму.
Сапраўдная феналанічная вясна прыйдзе ў Мінск у нядзелю, і тэмпература паветра канчаткова пяройдзе ў плюс.
Сонца, праўда, будзе менш, чым напярэдадні, неба будуць зацягваць хмары, тым не менш днём слупкі тэрмометраў паднімуцца да +6°С. Вецер паўднёва-заходні, прыемны, 6-8 м/с.
На працягу наступнага тыдня тэмпература паветра будзе паступова павышацца, і да наступнай суботы, па папярэдніх прагнозах, дасягне + 11 … +13°С.
