Reuters.com
Захоплены групай сепаратыстаў будынак Харкаўскай абласной адміністрацыі вызваліла падраздзяленне ўкраінскага спецназа «Ягуар». Антытэрарыстычная аперацыя прайшла без стрэлаў і ахвяраў, паведамляюць харкаўскія СМІ. Яна распачалася а 6.30.
Як паведаміў міністр унутраных спраў Украіны Арсен Авакаў, 70 харкаўскіх сепаратыстаў затрымана. Іх даставілі ў СІЗА Кіева і Палтавы.
Нагадаем, што ў нядзелю некалькі тысяч узброеных сепаратыстаў і жыхароў Расіі занялі шэраг адміністратыўных будынкаў у Данецку, Луганску і Харкаве і абвясцілі там «Данецкую народную рэспубліку» і «Харкаўскую народную рэспубліку». Тыя «рэспублікі» адразу звярнуліся да Уладзіміра Пуціна з просьбай увесці войскі на іх тэрыторыю.
0
0
0
0
0
0