«Cmoki» pieramahli «Nansi» ŭ Jeŭračelendžy

Baskietbalisty kłuba «Cmoki-Minsk» atrymali druhuju pieramohu ŭ papiarednim raŭndzie rozyhryšu Jeŭračelendža.

Siońnia ŭ hulni 3-ha tura hrupy G padapiečnyja Andreja Kryvanosa vyjhrali na placoŭcy «Minsk-Areny» ŭ francuzskaha «Nansi» ź likam 78:71 (17:17, 22:17, 21:21, 18:16). Hulnia prachodziła ŭ roŭnaj baraćbie, ale ŭ kancoŭcy haspadary ŭsio ž zdoleli dakazać, što jany ŭ hety viečar byli macniejšymi.

Samym vynikovym u składzie pieramožcaŭ byŭ 32-hadovy vieteran minčan Alaksandr Kudraŭcaŭ, jaki nabraŭ 23 ački i zrabiŭ 4 padbory pad ščytami.

Da hetaha minčuki prajhrali ŭ haściach jašče adnamu francuzskamu kłubu «Hraŭlenu» — 63:96, a zatym na parkiecie «Minsk-Areny» razhramili haściej z kiprskaha «Apałona» — 93:62.

U nastupnym tury hrupavoha raŭnda Jeŭračelendža čempijony Biełarusi 27 listapada prymuć na svajoj placoŭcy baskietbalistaŭ «Hraŭlena».

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH