Biełaruskija mytniki zatrymali partyju suchafruktaŭ koštam pryblizna 800 młn. rubloŭ i paŭpryčep koštam zvyš 200 młn. rubloŭ.
Jak paviedamlaje pres-słužba Dziaržaŭnaha mytnaha kamiteta, na aŭtadarozie M-1 Maskva — Brest pry ŭjeździe z Rasii ŭ Biełaruś byŭ spynieny aŭtaciahnik «Volva», jakim kiravaŭ biełaruski hramadzianin. Tavar — suchafrukty ŭ asartymiencie — nakiroŭvaŭsia z Maskvy ŭ Minsk.
Pravieryŭšy dakumienty, pravaachoŭniki źviarnuli ŭvahu na toje, što paŭpryčep-refryžeratar marki Krone SPR 27 źjaŭlajecca časova ŭviezienym transpartnym srodkam mižnarodnaj pieravozki i na im nie dapuskajucca ŭnutranyja pieravozki pa mytnaj terytoryi Mytnaha sajuza. Padčas praviadzieńnia dalejšych pravieračnych mierapryjemstvaŭ vyśvietliłasia, što ŭ vadziciela aŭtaciahnika «Volva» adsutničajuć fitasanitarnyja dakumienty na suchafrukty, paviedamlaje DMK.
Pavodle źviestak mytnikaŭ, tavar pieramiaščaŭsia z parušeńniem patrabavańniaŭ p. 3.2 pałažeńnia ab paradku ažyćciaŭleńnia karancinnaha fitasanitarnaha kantrolu (nahladu) na mytnaj terytoryi Mytnaha sajuza i patrabavańniaŭ p. 352 pastanovy Savieta ministraŭ Biełarusi ad 30 červienia 2008 hoda № 970 «Ab zaćviardžeńni praviłaŭ aŭtamabilnych pieravozak hruzaŭ».
Jak zaznačajuć u DMK, pieravozčyk učyniŭ adrazu dva administracyjnyja pravaparušeńni. Suchafrukty i paŭpryčep kanfiskavanyja. Pravodziacca pravieračnyja mierapryjemstvy.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
