Chryścijanskaja demakratyja dałučajecca da vilenskaha Miemarandumu Rady BNR 7

Arhkamitet partyi Biełaruskaja Chryścijanskaja Demakratyja dałučajecca da Miemarandumu, padpisanaha pradstaŭnikami biełaruskich demakratyčnych siłaŭ i Radaj BNR. Pra heta siońnia paviedamiła pres-słužba BCHD.

Na vilenskaj sustrečy nie mahli prysutničać lidary partyi Pavieł Sieviaryniec (adbyvaje pakarańnie ŭ Kuplinie) i Vital Rymašeŭski (znachodzicca pad umoŭnym turemnym pakarańniem).

3 listapada ŭ Vilni prajšła sustreča kiraŭnictva Rady BNR ź lidarami palityčnych partyj i hramadskich arhanizacyj. Vynikam sustrečy staŭ Miemarandum, dzie byli vyznačanyja nakirunki sumiesnaj dziejnaści.

Dakumient u Vilni padpisali: Uładzimir Baradač (Arhkamitet Rady nacyjanalnaha adradžeńnia), Vincuk Viačorka (Arhkamitet «Biełaruskaha Ruchu)», Alaksandr Dabravolski (AHP), Mikoła Dziemidzienka («Małady Front»), Uładzimir Kołas (Rada biełaruskaj intelihiencyi), Volha Karač (hramadzianskaja kampanija «Naš Dom»), Alaksandr Milinkievič (Ruch «Za svabodu»), Stanisłaŭ Šuškievič (BSDH), Alaksiej Janukievič (partyja BNF), ad imia Rady BNR — Ivonka Surviła.

Paźniej da inicyjatyvy dałučyŭsia lidar KCHP-BNF Zianon Paźniak. Taksama Miemarandum byŭ uchvaleny Palitradaj AHP.

Pakul nie dałučylisia da Miemarandumu «Havary praŭdu» i partyja «Spraviadlivy śviet».

ZP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH