Alaksandr Łukašenka ličyć pravilnym ustalavańnie ŭ Biełarusi dziaržaŭnaha śviata 7 listapada — u dzień Kastryčnickaj revalucyi. Pra heta jon zajaviŭ 6 listapada, adkazvajučy na pytańni žurnalistaŭ paśla cyrymonii adkryćcia troch novych stancyj mietro ŭ Minsku.
«7 listapada my śviatkujem Dzień Kastryčnickaj revalucyi. A idei Kastryčnickaj revalucyi vam prymalnyja? A mnie jany ŭsie prymalnyja, tamu što ŭsie revalucyjaniery iduć z dobrymi idejami da naroda, kali štości treba źmianić, pieraviarnuć.Tady revalucyjaniery išli z dobrymi idejami: ziamla — sialanam, fabryki — pracoŭnym. Nivodnaha drennaha łozunhu nie było, i pad hetymi łozunhami revalucyjaniery pieramahli, i pieramožcy byli poŭnyja rašučaści realizavać hetyja łozunhi. Hetyja łozunhi mnie pryjemnyja i ciapier», — padkreśliŭ Łukašenka.
Paźniej, dadaŭ Łukašenka, u SSSR byli represii i zabojstvy ludziej, ale heta, pavodle jaho mierkavańnia, nie pierakreślivaje tych idej i łozunhaŭ, ź jakimi ździajśniałasia Kastryčnickaja revalucyja.Jon pierakanany, što «nielha hanić toje, što było ŭ
17-m hodzie i puskać pad nož tyja dobryja idei, ź jakimi išli Uładzimir Iljič Lenin i jaho kamanda na hetu revalucyju».
«Ni ŭ jakim razie nielha zamoŭčvać niedachopy, ale treba vyciahvać na pavierchniu ŭsio lepšaje, što było. My pravilna zrabili, što zachavali heta śviata», — upeŭnieny biełaruski kiraŭnik.Da acenki minułaha, adznačyŭ Łukašenka, treba stavicca «vielmi akuratna, i zaŭsiody pamiatać, što ad minułaha nikudy nie dzieniešsia».
Da 1991 hoda ŭ SSSR Dzień Vialikaj Kastryčnickaj sacyjalistyčnaj revalucyi ličyŭsia hałoŭnym dziaržaŭnym śviatam krainy. Siońnia Biełaruś — adzinaja na postsavieckaj prastory kraina, dzie 7 listapada
