Palitźniavolenamu Vasilu Parfiankovu ŭ śledčym izalatary ŭ Baranavičach admoŭlena ŭ sustrečy z uračom i vyniesiena spahnańnie,paviedamlaje pravaabarončy sajt spring96.org.
Parfiankoŭ dasłaŭ list svajoj znajomaj, datavany 16 kastryčnika, u jakim paviedamiŭ, što ŭ śledčym izalatary jon zachvareŭ.Jon try razy pisaŭ zajavy na sustreču z uračom, adnak sustrecca ź im nie dazvolili. Na dniach Parfiankoŭ nastolki drenna siabie adčuvaŭ, što nie zdoleŭ padniacca z łožka na ranišniuju pavierku. Za heta jamu vyniesiena spahnańnie. Parfiankoŭ aścierahajecca, što z-za hetaha spahnańnia jon moža być źmieščany ŭ štrafny izalatar.
Taksama Parfiankoŭ piša, što ŭ suviazi z pachaładańniem na vulicy ŭ kamiery stała vielmi choładna.Raniej jon siadzieŭ u pamiaškańni padvalnaha typu, zatym pieraviali ŭ inšuju kamieru, ź lepšymi ŭmovami, ale tempieratura tam usio roŭna nizkaja. Jon vymušany spać u adzieńni.
- 27-hadovy Parfiankoŭ byŭ pieršym asudžanym pa spravie ab masavych biesparadkach 19 śniežnia 2010 hoda. U lutym 2011 hoda sud Frunzienskaha rajona stalicy pryznaŭ jaho vinavatym va ŭdziele ŭ masavych biesparadkach i pryhavaryŭ da čatyroch hadoŭ pazbaŭleńnia voli z adbyvańniem pakarańnia ŭ kałonii strohaha režymu. Akramia taho, Parfiankoŭ pavinien byŭ vypłacić bolš jak 14 młn. rubloŭ za raźbitaje škło dźviarej u Domie ŭrada padčas niesankcyjanavanaj akcyi apazicyi.
- Asudžany adbyvaŭ pakarańnie ŭ aršanskaj papraŭčaj kałonii, ale ŭ žniŭni 2011 hoda byŭ pamiłavany ŭkazam prezidenta. U studzieni hetaha hoda ŭ dačynieńni da Parfiankova ŭstanavili prafiłaktyčny nahlad, a ŭ krasaviku Śledčy kamitet Pieršamajskaha rajona Minska raspačaŭ suprać byłoha palitźniavolenaha novuju kryminalnuju spravu — za parušeńni ŭmoŭ prafiłaktyčnaha nahladu. Zhodna ź viersijaj pravaachoŭnych orhanaŭ, Parfiankoŭ parušyŭ paradak vykanańnia ŭmoŭ previentyŭnaha nahladu — u pryvatnaści, adsutničaŭ pa miescy žycharstva biez uvažlivaj pryčyny, za što dvojčy na praciahu hoda byŭ pakarany na padstavie KoAP.
- Parfiankoŭ rastłumačyŭ, što vychodziŭ z doma ŭ mahazin na niekalki chvilin, kab kupić pradukty. "Sam previentyŭny nahlad, liču, byŭ ustanoŭleny, kab abmiežavać moj udzieł u hramadskaj dziejnaści. Nie liču, što pachodam u mahazin ja ŭčyniŭ złačynstva", — zajaviŭ jon.
- 29 maja sud Pieršamajskaha rajona Minska pryznaŭ Parfiankova vinavatym u parušeńni ŭmoŭ prafiłaktyčnaha nahladu i pryhavaryŭ da šaści miesiacaŭ aryštu. 24 lipienia Minski haradski sud pakinuŭ pryhavor u sile.Vasilu Parfiankovu vyniesiena spahnańnie.
0
0
0
0
0
0