Tavarystva biełaruskaj movy raspačało zbor podpisaŭ za zachavańnie biełaruskaj movy na čyhuncy — u napisańni nazvaŭ stancyjaŭ, abviestkach ab prypynkach u ciahnikach. Vyklikana heta tym, što apošnim časam šmat vypadkaŭ zamieny nazvaŭ ź biełaruskich na rasiejskija. Kiraŭnictva TBM sustrakałasia z hetaj nahody z kiraŭnictvam čyhunki, ale pakul biezvynikova.
Vakzały na ŭsioj terytoryi Respubliki Biełaruś afarmlajuć ciapier tolki na rasiejskaj movie.
Staršynia TBM Aleh Trusaŭ: «Pačałosia heta z paŭhoda tamu. Voś načalstva Biełaruskaj čyhunki pamianiałasia, i pačałasia tatalnaja — ja padkreślivaju — tatalnaja rusifikacyja. Pryjšli ludzi albo abyjakavyja, albo varožyja da ŭsiaho biełaruskaha».
Namieśnica staršyni TBM Alena Anisim pryviała kankretnyja prykłady: Heta čyhunačny vakzał u Stoŭbcach, dzie ŭsia infarmacyja zaraz tolki
Alena Anisim asabista chadziła na pryjom da namieśnika načalnika Biełaruskaj čyhunki Piatra Stockaha:
«Na pryjomie taksama nie prahučała, što čynoŭniki razumiejuć, što heta antykanstytucyjna, što heta supiarečyć jak situacyi ŭ Biełarusi, pakolki ŭ nas pražyvajuć nie vyklučna ruskamoŭnyja hramadzianie, a ŭ nas vielmi mnoha ludziej jak pa nacyjanalnaści biełarusaŭ, tak i tych, chto kožny dzień karystajecca biełaruskaj movaj. Vyrazna prasočvajecca tendencyja da ŭščamleńnia ich pravoŭ».
Źviazacca z samim spadarom Stockim, u jakoha na pryjomie była Alena Anisim, nie ŭdałosia — jon u kamandziroŭcy, pieršy namieśnik načalnika Biełaruskaj čyhunki Uładzimir Michajluk ceły dzień na naradach. I naahuł, čyhunka adkazvaje tolki na piśmovyja zapyty, paviedamiła supracoŭnica presavaj słužby Taciana Bondarava: «Treba nakiravać na adras Biełaruskaj čyhunki, na imia pieršaha namieśnika načalnika Michajluka, aficyjny list, što «prosim pradastavić infarmacyju pra vykarystańnie «biełaruskamoŭnava jazyka» pry napisańni vakzałaŭ, stancyjaŭ».
Zaraz idzie rekanstrukcyja Bresckaha vakzała. I, pavodle źviestak TBM, rychtujučysia da Čempijanata śvietu pa chakiei 2014 hoda, tam źbirajucca vykarystoŭvać dźvie movy — rasiejskuju i anhlijskuju. Alena Anisim kaža:
«My pra heta daviedalisia, prapanoŭvajučy im, — pakolki heta zachodnija varoty našaj krainy i heta pieršy vakzał, jaki sustrakaje ŭsich zamiežnikaŭ, — na čatyroch movach, uklučyŭšy polskuju jak pahraničnuju, niamieckuju, anhlijskuju i biełaruskuju. A nam adkazali, što źbirajucca tolki rasiejskuju i anhlijskuju,i bolš nijakich».
Načalnik Bresckaha vakzała Viktar Kułaj, što da afarmleńnia vakzała, skazaŭ, što pakul rašeńnie nie pryniataje: «Pakul jašče rašeńnie nie pryniataje. Ja dumaju, pavinna być uličana i naša mierkavańnie — jak vakzał my źjaŭlajemsia strukturnym padraździaleńniem, i adździaleńnia darohi. Budziem raicca i z hałoŭnym ŭpraŭleńniem čyhunki».
Darečy, i ŭ elektryčkach paŭsiul raniej stancyi abviaščali
na Bresckim kirunku raniej byŭ prypynak «Haj», ciapier — «Rošča», na Barysaŭskim — «Praletarskaja pieramoha» i «Čyrvony Ściah», ciapier — «Proletarskaja Pobieda» i «Krasnoje Znamia».