Alaksandr Łukašenka 15 kastryčnika, prymajučy z dakładam prem'jer-ministra Michaiła Miaśnikoviča, daručyŭ uradu zrabić zachady pa zamacavańni stanoŭčych tendencyj na valutnym rynku.

«Nakolki heta mahčyma, ja adsočvaju situacyju na valutnym rynku. Mianie, viadoma, zadavalniaje, što tam užo adbyŭsia pierałom paśla hetych palityčnych verchałaŭ i dziejańniaŭ našaj tak zvanaj apazicyi, jakaja zapałochvała nasielnictva praź ŚMI i Internet, sparadžajučy niejkija devalvacyjnyja čakańni,
— skazaŭ Łukašenka. — Užo možna skazać tydzień situacyja złamanaja, i try apošnija dni Nacyjanalny bank valutu skuplaŭ. Heta dobry sihnał na ŭmacavańnie biełaruskaha rubla, heta treba rabić».
«Naša nacyjanalnaja valuta pavinna być nie zališnie tryvałaj i mocnaj, kab ekspart nie pavalić,
ale i štučna va ŭhodu niejkich palityčnych momantach nam nie treba jaje asłablać. Tamu Nacyjanalny bank pravodzić absalutna pravilnuju palityku», — adznačyŭ Łukašenka.

«My bačym, što ŭžo i siarod pradprymalnikaŭ adbyŭsia pavarot. Jany taksama pačynajuć handlavać faktyčna pa kursie Nacyjanalnaha banka i navat nižejšym», — kanstatavaŭ Alaksandr Łukašenka.

«Ale ja heta kažu nie da taho, kab supakoić. Pytańnie ŭ tym, što, kali namieciŭsia pośpiech na niejkim napramku, kažučy vajskovaj movaj, jaho treba raźvivać.

Treba zaraz napružycca pa eksparcie, pamianšać debitorskuju zapazyčanaść, bolš pradavać i spynić usie hetyja razmovy: „Aj-jaj-jaj! u śviecie kryzis“, — padkreśliŭ Łukašenka. — Pakul jašče nijakaha kryzisu niama, i treba zajmać tyja rynki, jakija siońnia vyzvalajucca ŭ siłu roznych pryčyn, i nie zdavać svaje».
«Treba prosta pracavać, kab nie adbyłosia tak, jak heta było na «Kamunarcy».
A takich pradpryjemstvaŭ u nas dastatkova, dzie my prosta hublajem hrošy, kab dahadzić niejkim niezrazumiełym inviestaram, jakija žyvuć ci to ŭ Amierycy, ci to ŭ Rasiei, nie toje jašče dzieści «, — zaŭvažyŭ Łukašenka.
«Ja chaču, kab vy zaprasili ministraŭ, jakija zajmajucca materyjalnaj vytvorčaściu, i žorstka pierad imi pastavili pytańnie.
Bo pojduć usie, jak Dančanka, kiravać drennymi stratnymi pradpryjemstvami», — skazaŭ Alaksandr Łukašenka.
«Heta ž nie sprava, što my niejkimi makraekanamičnymi namahańniami sprabujem ŭtrymać hety kurs. Usio ŭ materyjalnym vytvorčaści: vyrabiŭ, pradaŭ, atrymaŭ hrošy na źniešnich rynkach. I budzie narmalnaja situacyja.
Treba tyja stanoŭčyja tendencyi, jakija adbyvajucca na valutnym rynku, zamacavać u materyjalnym vytvorčaści. Heta hałoŭnaja na siońniašni dzień zadača Nacyjanalnaha banka i ŭrada», — daručyŭ Łukašenka.

Jak dałažyŭ Michaił Miaśnikovič, u cełym ekanomika pracuje stabilna.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?