«Tranśniefť» źmienšyć biaspošlinnyja pastaŭki nafty ŭ Biełaruś na 3,5 młn tonaŭ?

Rasijskaja kampanija «Tranśniefť» maje namier bolš vyrazna adrehulavać miechanizm biaspošlinnych pastavak nafty ŭ Biełaruś. Pra heta zajaviŭ namieśnik vice-prezidenta AAT «AK» Tranśniefť» Ihar Kacał u intervju časopisu «Truboprovodnyj transport niefti» (www.transpress.org).

«Pastaŭlajučy naftu na terytoryju Biełarusi, kampanija hublaje taryfnuju vyručku, bo transpartavać tudy syravinu tańniej, čym u party. Akramia taho, pry pastaŭkach nafty ŭ Biełaruś dziaržava hublaje pošlinu», —

cytuje Kacała karparatyŭnaje vydańnie «Tranśniefti».

Pa słovach namieśnika vice-prezidenta kampanii, «na praciahu dosyć doŭhaha času ŭ Biełaruś biaspošlinna pastaŭlałasia paradku 18 miljonaŭ ton nafty». «U 2010 hodzie ŭradam Rasijskaj Fiederacyi było pryniata rašeńnie pastaŭlać na NPZ respubliki 6 miljonaŭ ton biaspošlinna i jašče 6 miljonaŭ ton — z pošlinaj. U 2011-m znoŭ viarnulisia da 18 miljonaŭ ton biez pošliny.

A ŭ 2012 hodzie abjom pastavak ŭzros da 21,5 miljonaŭ ton u hod, pry hetym naftapradukty ź Biełarusi iduć na ekspart. Zamiest hetaha 3,5 miljona ton nafty całkam možna było b nakiravać u dalokaje zamiežža praz port Usť-Łuha», —

adznačyŭ pradstaŭnik» Tranśniefti».

«Va ŭmovach praficytu ekspartnych mahutnaściaŭ sistemy mahistralnych naftapravodaŭ, biezumoŭna, nieabchodna karektavać mižuradavyja pahadnieńni ź Biełaruśsiu», —

padkreśliŭ Ihar Kacał.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH