Jermakova i Charkaviec u Tokia na pasiadžeńnie MVF i SB nie palacieli 3

Kiraŭnik MVF ad Biełarusi, staršynia praŭleńnia Nacyjanalnaha banka Nadzieja Jermakova nie ŭdzielničaje ŭ hadavym pasiadžeńni Savietaŭ kiraŭnikoŭ MVF i Suśvietnaha banka, jaki prachodzić u Tokia z 12 pa 14 kastryčnika.

Jermakova znachodzicca ŭ Minsku, pajezdku ŭ Tokia jana nie płanuje. Nacbank na pasiadžeńni pradstaŭlaje pieršy namieśnik staršyni praŭleńnia Juryj Ałymaŭ.

Akramia hetaha, u Tokia nie pajechaŭ i namieśnik kiraŭnika ad Biełarusi hrupaj Suśvietnaha banka, ministr finansaŭ Andrej Charkaviec.

Finansavaje viedamstva na pasiadžeńni budzie pradstaŭlać namieśnik ministra Maksim Jermałovič.

U pres-słužbie finansavaha viedamstva vykazali zdahadku, što niaŭdzieł ministra ŭ pasiadžeńni źviazany ź jaho zaniataściu, bo ŭ hetyja dni prachodzić stadyju zaćviardžeńnia biudžet krainy na budučy hod.

Uznačalvaje biełaruskuju delehacyju, jakaja prymie ŭdzieł u takijskim pasiadžeńni MVF i SB, ministr ekanomiki Mikałaj Snapkoŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH