Takoje rašeńnie ŭtrymlivajecca va ŭkazie Łukašenki № 459 ad 8 kastryčnika 2012 hoda, apublikavanym na Nacyjanalnym pravavyminternet-partale .
Dakumient unosić źmianieńni va ŭkaz № 315 ad 10 červienia 2008 hoda «Ab dziaržaŭnaj padtrymcy respublikanskaha ŭnitarnaha pradpryjemstva «Nacyjanalnaja avijakampanija «Biełavija». U hetym dakumiencie dziaržpadtrymka była praduhledžanaja na 2008–2012 hady.
Pavodle novaha ŭkazu, «Biełavija» «vyzvalajecca ad padatku na dadadzieny košt (za vyklučeńniem padatku na dadadzieny košt pry ŭvozie z terytoryi Rasii) u dačynieńni da pavietranych sudnaŭ, kamplektujučych vyrabaŭ, zapasnych častak, naziemnaha abstalavańnia i inšych tavaraŭ, nieabchodnych dla vykarystańnia pry ekspłuatacyi pavietranych sudnaŭ, jakija ŭvoziacca (uviezienyja) na mytnuju terytoryju Biełarusi, u tym liku paśla ich ramontu abo techničnaha absłuhoŭvańnia za miežami Biełarusi».
Taksama dla «Biełavija» zachoŭvajecca rašeńnie ab vyzvaleńni ad PDK z abarotaŭ pa realizacyi pasłuh lizinhu pavietranych sudnaŭ, jakija akazvajuć pradpryjemstvu zamiežnyja arhanizacyi, jakija ažyćciaŭlajuć dziejnaść u Biełarusi praz pastajannaje pradstaŭnictva.
