Pra heta paviedamlaje
Viadoma, što Jusafzaj była jak minimum ź jašče adnoj dziaŭčynaj, kali ŭ jaje stralali, ale isnujuć roznyja viersii padziejaŭ. Jusafzaj viartałasia dadomu sa škoły ŭ Minhory — najbujniejšym horadzie daliny Svat. Pavodle niekatorych dadzienych, baradaty bajavik spyniŭ aŭtamabil sa školnicaj i spytaŭ imia Jusafzaj, pierš čym adkryć ahoń. Čynoŭnik u palicyi paviedamiŭ, što nieviadomyja bajeviki rasstralali školnic, kali tyja źbiralisia sieści ŭ furhon abo aŭtobus.
Jusafzaj atrymała ranieńnie ŭ hałavu i, pavodle niekatorych dadzienych, druhoje ranieńnie ŭ vobłaść šyi. Taksama była paranienaja dziaŭčyna, što znachodziłasia ź joj u toj momant. Pieršapačatkova paviedamlałasia, što žyćciu dziaŭčynki ništo nie pahražaje, ale zakłapočanaść daktaroŭ za jaje stan raście, i, pavodle niekatorych dadzienych, joj moža spatrebicca lačeńnie za miažoj.
Pradstaŭnik «Talibana» ŭ Pakistanie Echsanuła Echsan užo paviedamiŭ, što ruch biare na siabie adkaznaść za hety napad. Jon skazaŭ, što Jusafzaj była atakavanaja za toje, što vystupaje suprać talibaŭ i za śviecki ład žyćcia, i dadaŭ, što joj nie budzie litaści.
