Svoj učynak taksist, jaki paprasiŭ nie nazyvać svajo imia, tłumačyć «idyjockim patryjatyzmam». Za BATE jon nikoli nie zaŭzieŭ, a staŭki ŭ bukmiekierskich kantorach kali i rabiŭ raniej, dyk vielmi redka, za kampaniju:
«Dziesiać siabroŭ stavili suprać BATE. I mianie sprabavali pierakanać. Nie viedaju, što mianie tuzanuła… Ja, moža, i nie pastaviŭ by ni pieršy i ni druhi raz. Ale jany ŭsie kazali: „Nie treba! Nie treba! Nie treba!“ Prosta na złość im zrabiŭ staŭku».
U vyniku siabry zastalisia ni z čym, a taksist atrymaŭ salidny vyjhryš. Pieršyja 5 miljonaŭ jon pastaviŭ z kaeficyjentam 8,5. Heta značyć, za kožny miljon atrymaŭ pa 8,5 miljona!Što praŭda, kali bukmiekiery daviedalisia na vynik matča «Lil» — BATE, kaeficyjenty stali bolš ścipłymi.
Taksist: «Niechta kaža, što heta im pašancavała. Ale chto ž jaho viedaje: pašancavała ci heta jany prosta vykłalisia, jak maje być? Tamu na matč z „Lilem“ kaeficyjent byŭ 8,5, a zaraz, na hulniu z „Bavaryjaj“, 7,3 byŭ kaeficyjent».
2 kastryčnika taksist navat futboł nie hladzieŭ — pracavaŭ u horadzie.
Bukmiekiery nazyvajuć vypadak hieroja našaha siužeta vyklučeńniem. U kantory
Supracoŭnica
100 tysiač rubloŭ na pieramohu BATE pastavili… u Barysavie! Takija ž staŭki rabili ŭ Mahilovie.
Na BATE pryjšłosia prykładna 40% stavak, zroblenych na matč barysaŭskaha kłuba z «Bavaryjaj», paviedamili ŭ bukmiekierskaj kantory «Alimp»:
«Bolšaść usio ž taki staviła na „Bavaryju“. Prykładna 60% stavak było na jaje. Na pieramohu „Bavaryi“, na pieramohu z foraj [roźnica bolš čym u adzin miač. — Jeŭraradyjo], z ulikam dadatkovaha vyniku (pieramoha „Bavaryi“ ci ničyja). 40% anałahičnych stavak — na BATE».
Cikava, što paśla pieršaha hoła ŭ varoty bavarcaŭ u pieramohu BATE pavieryli navat bukmiekiery. Kaeficyjent z 1 da 12 źmianiŭsia na 1 da 3! Prykładna z takim ža kaeficyjentam praciahnuli prymać staŭki na pieramohu «Bavaryi».
